ಬೆಳಕು-ಬಳ್ಳಿ

ಏಳು ರಂಗನಾಥ

Share Button

ಮುದ್ದು ಹುಡುಗ ಮಾಧವ
ಒಮ್ಮೆ ಹೇಳಿದ ಅಮ್ಮನಿಗೆ
ಹೋಗೋಣ್ವಾ ನಾವು ದೂರಕ್ಕೆ
ಹೊಸ ಊರು ನೋಡೋಕೆ

ಅಮ್ಮ ಹೇಳಿದ್ರು ಅಪ್ಪಂಗೆ
ಹೊರಡಿ ಶ್ರೀರಂಗಪಟ್ಣಕ್ಕೆ
ರಂಗನಾಥ ಸ್ವಾಮಿ ನೋಡೋಕೆ

ಭಾನುವಾರದ ರಜಾ ಬಂತು
ಅಪ್ಪಅಮ್ಮರ ಜೊತೇಲಿ ಕೂತು
ಕಾರಲ್ಲಿ ಸವಾರಿ ಹೊರಟೇಬಿಡ್ತು

ಶ್ರೀರಂಗಪಟ್ಣ ಬಂದೇಬಿಡ್ತು
ಕೋಟೆ ಬಾಗ್ಲು ದಾಟಾಯ್ತು
ಕಾವೇರಿ ನದಿಯೂ ಕಂಡಿತ್ತು

ಕೈಕಾಲೆಲ್ರೂ ತೊಳ್ಕೊಂಡು
ಹೂವು ಹಣ್ಣು ಹಿಡ್ಕೊಂಡು
ದೊಡ್ಡ ಬಾಗ್ಲು ದಾಟ್ಕೊಂಡು
ಹೊರಟರು ಗುಡಿಗೆ ನಡ್ಕೊಂಡು

ಅಮ್ಮ ಅಂದರು ಅಲ್ನೋಡು
ದೇವರ ದರ್ಶನ ಮಾಡು
ಅರೆ! ಅಲ್ಲೆ ಇದಾನೆ ರಂಗನಾಥ
ಮಲಗಿಕೊಂಡಿದಾನೆ ನಗನಗ್ತಾ

ಅರ್ಚಕರಿದಾರೆ ಅಲ್ಲಿ
ದೀಪ ಧೂಪ ಉಪಚರಿಸಿ
ಮಣಮಣ ಮಂತ್ರ ಆರತಿ
ಢಣ ಢಣ ಗಂಟೆ ಬಾರಿಸಿ

ಬಹಳ ಜನ ಸೇರಿದಾರೆ
ನಮಸ್ಕಾರ ಮಾಡ್ತಿದಾರೆ
ಅದ್ರೂ ದೇವರು ಏಳದೆ
ಮಾಡ್ತಾ ಇದಾರೆ ನಿದ್ರೆ !

ಮಾಧವಂಗೆ ಬೇಜಾರಾಗಿ
ಕೂಗಿಯೇ ಬಿಟ್ಟಜೋರಾಗಿ
ತಡವಾಗೋಯ್ತು ರಂಗನಾಥ
ಏಳಿ ಬೇಗನೆ ಎದ್ದೇಳಿ!!

ನವೆಂಬರ್‌ 20, ʼವಿಶ್ವ ಮಕ್ಕಳ ದಿನ

–ಅನಂತ ರಮೇಶ್

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *