ಏನೆನ್ನಲಿ ?

 

ನಿನ್ನ ಅವ್ವಾ ಎನ್ನಲೆ ,

ಬಾಯಿತುಂಬಾ, ಅಮ್ಮಾ.. ಎನ್ನಲೆ ?

ನಿನ್ನ ಅಜ್ಜಿಯೆನ್ನಲೆ,..

ಪ್ರೀತಿಯಿಂದ ತಾತಿಯಿನ್ನಲೆ ?

ದೊಡ್ಡಮ್ಮ ಎನ್ನಲೆ,

ದೊಡ್ಡವ್ವಾ ..ಎಂದು ಕರೆಯಲೆ ?

ಚಿಕ್ಕಮ್ಮನೆನ್ನಲೆ,

ಚಿಕ್ಕಿ ..ಎನ್ನಲೆ ?

ನಿನ್ನ ಅತ್ತೆ ಯೆನ್ನಲೆ,

ಅತ್ತಿ..ಎಂದು ಕರೆಯಲೆ ?

 .

ಅಕ್ಕನೆನ್ನಲೆ, .

.ಅಕ್ಕಮ್ಮ…ಎಂದು ಪ್ರೀತಿ ಬೆರಿಸಲೆ ?

ನಿನ್ನ ತಂಗಿಯೆನ್ನಲೆ,

ತಂಗ್ಯಾವ್ವ..ಎನ್ನಲೆ ?

ಅತ್ತಿಗೆ ಯೆನ್ನಲೆ …

ವೈನಿ …ಎಂದು ಕರೆಯಲೆ ?

ನಿನ್ನ ಲೇ…ಎನ್ನಲೆ,.

.ನಿನ್ನ ಹೆಸರಿಡಿದು ಉಲಿಯಲೆ ?

ಗೆಳತಿಯೆನ್ನಲೆ,…

ಒಲವಿನ ಮನದಮಿಡಿತವೆನ್ನಲೆ ?

 .

ನಿನ್ನ ವೀರವನಿತೆಯೆನ್ನಲೆ,

ಧೀರ ಮಹಿಳೆಯೆನ್ನಲೆ ?

ಪ್ರೀತಿಯ ರೂಪವೆನ್ನಲೆ,

ಸಂಸಾರದ ದೀಪವೆನ್ನಲೆ ?

ನಿನ್ನ ನಮ್ಮೆಲ್ಲರ ಕಣ್ಣುಯೆನ್ನಲೆ,

ದಾರಿತೋರಿ..ನಡೆಸುವ

ಹೆಣ್ಣು ಎನ್ನಲೆ ?

ಪ್ರೀತಿ,ವಾತ್ಸಲ್ಯ,ಮಮತೆಯ ಸಾಕ್ಷಿಯೆನ್ನಲೆ,

ಇಲ್ಲವೇ..ನಿನ್ನ. ಬರಿಯ. ಸ್ತ್ರೀ ಎನ್ನಲೆ ?

 

 

 

 

 

 

 

– ಎಚ್ ಆರ್ ಕೃಷ್ಣಮೂರ್ತಿ