ಮನೆಯ ಗೇಟ್ ತೆರೆದು ಹಾಗೇ ಬಿಟ್ಟಿದೆ…..
ಬಾಗಿಲ ಮುಂದೆ ಅಡ್ಡಾದಿಡ್ಡಿಯಾಗಿ ಬಿಟ್ಟ ಚಪ್ಪಲಿ…..ಶೂಗಳಿವೆ….
ಮನೆಯೊಳಗೆ ಸೋಫದ ಮೇಲಿನ ಬಟ್ಟೆ ಅಸ್ತವ್ಯಸ್ತವಾಗಿದೆ…..
ಅಡುಗೆ ಮನೆಯಿಂದ ಕರಿಯುವ ವಾಸನೆ ಬರುತ್ತಿದೆ…
ಮಗನ ಮಲುಗುವ ಕೋಣೆಯಲ್ಲಿ …..ಬ್ಯಾಗ್ ಗಳ ಸಾಲಿದೆ…..
ಸಿಂಕ್ ನಲ್ಲಿ ತೊಳೆಯುವ ಪಾತ್ರೆಗಳ ರಾಶಿಯಿದೆ……
ಇದೆಲ್ಲಾ ಗಾಬರಿಯಾಗುವ ವಿಷಯವಲ್ಲ…
ಮನೆಗೆ ಆತ್ಮೀಯ ಬಂಧುಗಳು ಬಂದಿರುವರು….
ಮನದ ಭಾರ ಇಳಿಸಲು ಖುಷಿ ತಂದಿಹರು……
ಆನಂದ ತುಂಬಿದ ಕ್ಷಣಗಳಿಗೆ ಸಾಕ್ಷಿಯಾಗಲು ಕರೆದಿಹರು….
ಈ ನಂಟಿನ ಅಂಟೇ ಮುಂದಿನ ಬಾಳಿಗೆ ಬಲ ಎಂದು ಸಾರಿಹರು…
ಶುರುವಾಗುವ ಸುದಿನಗಳಿಗೆ ನಾಂದಿ ಹಾಡಿಹರು…..

-ಶರಣಬಸವೇಶ ಕೆ.ಎಂ
-ಜೆಫ್ ಮೂರೆ ಅವರ ಸಾಲುಗಳಿಂದ ಸ್ಪೂರ್ತಿ ಪಡೆದು ಬರೆದಿದ್ದು


ಮನೆ ತುಂಬಿದಾಗ ಮನ ತುಂಬಬೇಕು
ಆತ್ಮೀಯತೆ ತುಂಬಿದ… ಕವನ
ಬಂಧುಗಳು ಒಟ್ಟಾಗಿ ಸೇರುವ ಮನೆ ಕೇವಲ ಮನೆಯಲ್ಲ, ಮನಸುಗಳು ಬೆರೆಯುವ ಆತ್ಮೀಯತೆಯ ಸುಂದರ ತಾಣ. ಅಲ್ಲಿ ಭೌತಿಕ ಸ್ವಚ್ಛತೆ ನಗಣ್ಯ. ಭಾವಗಳ ಬೆಸೆಯುವಿಕೆ ಗಣ್ಯ ಎಂಬುದನ್ನು ಕವಿ ತುಂಬಾ ಸರಳವಾಗಿ ತಮ್ಮ ಕವನದಲ್ಲಿ ಹೇಳಿದ್ದಾರೆ.
ಚೆನ್ನಾಗಿದೆ.
ಮಾನವೀಯ ಮೌಲ್ಯವನ್ನು ಒಳಗೊಂಡ ಸೊಗಸಾದ, ಅರ್ಥವತ್ತಾದ ಕವನ.
ಮಾನವೀಯ ಮೌಲ್ಯಗಳನ್ನು ಪಸರಿಸುವ ಚಂದದ ಕವನ
ಮನಮುಟ್ಟುವ ಕವನ
ಚೆಂದದ ಕವನ ಮುದ ನೀಡಿತು.