ಕಾವ್ಯ ಭಾಗವತ : ಕೃಷ್ಣ ನಿರ್ಗಮನ-ಕಲ್ಕ್ಯಾಗಮನ

7. ಪ್ರಥಮ ಸ್ಕಂದ
ಅಧ್ಯಾಯ 4-5
ಕೃಷ್ಣ ನಿರ್ಗಮನ-ಕಲ್ಕ್ಯಾಗಮನ

ದುಷ್ಟ ಸಂಹಾರ
ಶಿಷ್ಟ ರಕ್ಷಣೆಯ ಮಾಡಿ
ಭೂಭಾರವನ್ನಿಳಿಸಲು
ಯಾದವ ಕುಲವೇ ಬಡಿದಾಡಿ
ನಶಿಸುವಂತೆ ಮಾಡಿ
ತನ್ನ ಯುಗ ಧರ್ಮದ
ಕಾಯಕ ಮುಗಿಸಿ
ನಿರ್ಗಮಿಸಿದ ಕೃಷ್ಣ

ಮತ್ಯಾವ ರೂಪದಿ ಬಂದು
ಜಗವನುದ್ಧರಿಸುವನೆಂಬುದನರಿಯದೆ
ಕಂಗಾಲು ಮನುಕುಲ

ಧರ್ಮರಾಯನನ್ನುಸರಿಸಿ
ಸಕಲ ಪಾಂಡು ಕುವರರು
ಈ ಜಗದ ಮೋಹಪಾಶಂಗಳ
ತ್ಯಜಿಸಿ
ಮೊಮ್ಮಗ, ಪರೀಕ್ಷಿತನಿಗೆ
ರಾಜ್ಯವನ್ನೊಪ್ಪಿಸಿ
ವನಕೆ ತೆರಳಿದ ನಂತರದಿ
ಪರೀಕ್ಷಿತನಿಗೆ
ಕಲ್ಕಿ ದರ್ಶನ

ಕಲ್ಕಿ, ಈ ಕಾಲದ ಸತ್ಯ
ಅವನ ನೆಲೆ
ಈ ನೆಲದಲ್ಲಿ ನಿಶ್ಚಿತ

ಅವನ ಸಂಹರಿಸುವ
ಶಕ್ತಿ ಯುಕ್ತಿ
ಪರೀಕ್ಷಿತನಿಗಿದ್ದರೂ
ಕಲಿ ಈ ಯುಗದ ಧರ್ಮ
ಅದು ಭಗವದ್ ಸಂಕಲ್ಪ

ಕಲಿಯೂ ಈ ಜಗದಲ್ಲಿದ್ದು
ಬಾಳಬೇಕಿದೆ
ಎಂದೆನಿಸಿ
ಕಲಿಗೆ ಹತ್ತು ಆವಾಸಸ್ಥಾನಗಳ
ಹಂಚಿಕೆ

ಜೂಜು, ಮದ್ಯಪಾನ, ಪರಸ್ರ್ತೀ ಸಂಗ, ಪ್ರಾಣಿ ಹಿಂಸೆ,
ಸುಳ್ಳು, ಮದ, ಕಾಮ, ಕ್ರೋಧ
ವೈರತ್ವ, ಸುವರ್ಣ
ಇವುಗಳೆಲ್ಲದರಲಿ ಕಲಿಯ ಸ್ಥಾನ,
ಅವನದೇ ದರ್ಬಾರು
ಈ ಕಲಿಯುಗದಲಿ
ಸ್ವಾಸ್ಥ್ಯ ಬೇಕಿದ್ದರೆ
ಕಲಿ ಆವಾಸ ಸ್ಥಾನಗಳಂ
ನಿಗ್ರಹಿಸಿ
ಬದುಕುವುದೇ
ದೈವ ನಿಯಮ

ಈ ಕವನ ಸರಣಿಯ ಹಿಂದಿನ ಪುಟ ಇಲ್ಲಿದೆ ;  https://www.surahonne.com/?p=40908
(ಮುಂದುವರಿಯುವುದು)

-ಎಂ. ಆರ್.‌ ಆನಂದ, ಮೈಸೂರು