ನೇರಾನೇರ

ಪ್ರಕೃತಿಯ ನೇರಾನೇರ
ಮಾತುಗಳೆಲ್ಲವೂ
ಮಳೆಯಾಗುತ್ತದೆ
ಹೊಳೆಯಾಗಿ ಇಳೆ
ನಗುತ್ತದೆ ಕಾಲ ಸಮಯಕ್ಕೆ

ಪ್ರಕೃತಿಯ ನೇರಾನೇರ
ಮಾತುಗಳೆಲ್ಲವೂ
ಬಿಸಿಲಾಗುತ್ತದೆ
ಬೆಳಕಾಗುತ್ತದೆ ಬೆಳಗು
ಸಂಜೆಗಳ ಅವತರಣಿಕೆಯಲ್ಲಿ
ಮತ್ತೆ ಬದುಕಾಗುತ್ತದೆ

ಪ್ರಕೃತಿಯ ನೇರಾನೇರ
ಮಾತುಗಳೆಲ್ಲವೂ
ಚಳಿಯಾಗುತ್ತದೆ
ಹೂವರಳಿಸಿ ಕಾಯಾಗಿ
ಹಣ್ಣಾಗುತ್ತದೆ
ನೇರಾನೇರ ಆಪ್ತತೆ
ಸೇರಿ ಎಲೆ ಹಸಿರಾಗಿ
ಬೇರು ಮರವಾಗಿ ಎತ್ತರಕ್ಕೆ
ಬೆಳೆದು ಬಿಡುತ್ತದೆ

ಎಲ್ಲವೂ ಸರಳ ನೇರ
ಪ್ರಶ್ನೆಗಳು ಉತ್ತರಗಳು
ಕಾಲದ ಸಾಗುವಿಕೆಗೆ
ಜೊತೆಯಾದಷ್ಟು ಹಿತ
ಇದ್ದು ಇದ್ದಂತೆ ಇರುವ
ಜಗವದು ಆಪ್ತ

-ನಾಗರಾಜ ಬಿ. ನಾಯ್ಕ , ಹುಬ್ಬಣಗೇರಿ. ಕುಮಟಾ.

+4