ಆಶಯ

ಮಾಸದೇ  ನೆನಪು ಕರಗದೇ ಕಾರ್ಮೋಡ
ಬೀಳದೇ ಬಿಂದು ನಿನ್ನದೊಂದೊಂದು .

ತೂಗುತ್ತಿಲ್ಲ ಉಯ್ಯಾಲೆ ಅಂಬರದ ಮ್ಯಾಲೆ
ಬುತ್ತಿಕಟ್ಟು ಕನಸುಗಳ ಕಟ್ಟಲಾಗದ ಮ್ಯಾಲೆ
ಹಾದಿಬೀದಿಯಲ್ಲಿ ಬಾವಿಗಳಿಲ್ಲದ ಮ್ಯಾಲೆ 
ಬಿಂದಿಗೆ ಹೊತ್ತಿರುವವಳು ಬಿಂಕದೆಣ್ಣೆಂದ ಮ್ಯಾಲೆ
ಬೀಳುವ ಬಿಂದು ನಿನ್ನದೊಂದೊಂದು .

ಕೆರೆ ತುಂಬಿ ಬಿಂಬ ನೋಡುವಾಗ ಬಿಂದು ಬಿದ್ದು
ಚದುರಿಹೋಯಿತು ಛಾಯೆ ಈ ಮಾಯೆ .
ಅಳುವಾಗ ಬಿಂದು ಅದರೊಳಗೆ ಮಿಂದು
ಹೊರಬಂದಾಗ ನಗುಮೊಗದ ಛಾಯೆಮಾಯೆ 
ಬೀಳುವ ಬಿಂದು ನಿನ್ನದೊಂದೊಂದು .

ಮಾಸದೆ ನೆನಪು  ಕರಗದೆ ಕಾರ್ಮೋಡ
ಬೀಳದೆ ಬಿಂದು ನಿನ್ನದೊಂದೊಂದು .

–ಶೋಭಿತಾ ನಾಗತಿಹಳ್ಳಿ (ಶೋಭ .ಟಿ. ಆರ್ .)

+10