ಭಾಗ್ಯದಾತೆ ಭರತ ಮಾತೆ

Spread the love
Share Button

ಭಾಗ್ಯದಾತೆಯೆ ಭರತ ಮಾತೆಯೆ
ನಿನ್ನ ಚರಣಕೆ ನಮಿಸುವೆ
ಸೌಖ್ಯದಾತೆಯೆ ಜನ್ಮ ದಾತೆಯೆ
ನಿತ್ಯ ನಿನ್ನನು ಜಪಿಸುವೆ||ಪ||

ವೀರ ಶೂರರ ಧೀರ ಮಾತೆಯೆ
ವಿಶ್ವ ವಂದಿತೆ ಜನನಿಯೆ
ಸಾಧು ಸಜ್ಜನ ಪುರುಷರುದಿಸುತ
ಕೀರ್ತಿಬೆಳಗಿದ ಮಾತೆಯೆ||೧||

ಸರ್ವಧರ್ಮವು ಒಂದೆ ಎಂದಿಗು
ಅರಿತು ಬದುಕುವ ಭಾರತ
ಕರ್ಮನಿಷ್ಠೆಯ ಜಗಕೆ ಸಾರುವ
ಕರ್ಮಭೂಮಿಯು ಭಾರತ||೨||

ದಾಸ ಪಂಕ್ತಿಯ ಸ್ಪೂರ್ತಿ ಸೆಲೆಯು
ಮೂಲೆ ಮೂಲೆಗು ಹರಡಲಿ
ರಾಮ ಜನಿಸಿದ ಪುಣ್ಯನೆಲದಲಿ
ರಾಮ ರಾಜ್ಯವು ಮೆರೆಯಲಿ||೩||

ಅಣ್ಣ ಬಸಣ್ಣ ಬರೆದ ವಚನವು
ಲೋಕವೆಲ್ಲವು ಸ್ತುತಿಸಲಿ
ಗಡಿಯ ಕಾಯುವ ವೀರ ಕಲಿಗಳು
ವೈರಿ ನೆತ್ತರು ಹರಿಸಲಿ||

ವಿಜಯ ಸಾಧಿಸಿ ದೇಶಕೆ ಕೀರ್ತಿ
ತಂದು ತೋಷವ ಸವಿಯಲಿ
ಕೇಸರಿ ಬಿಳಿಯ ಹಸಿರು ಬಣ್ಣದ
ಧ್ವಜ ಹಾರಿಸಿ ವಂದಿಸಲಿ||

-ಈರಪ್ಪ ಬಿಜಲಿ
.

1 Response

  1. ನಯನ ಬಜಕೂಡ್ಲು says:

    ಮನದಲ್ಲಿ ದೇಶ ಪ್ರೇಮವನ್ನು ಜಾಗೃತ ಗೊಳಿಸುವಂತಹ ಸಾಲುಗಳು. ಮೇರಾ ಭಾರತ್ ಮಹಾನ್.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: