ಗಜಲ್ : ನೆನಪು

.

ಮರದ ಗೆದ್ದಲಿನಂತೆ ಕೊರೆಯುತಿದೆ ಹಳೆ ನೆನಪು
ಕಟ್ಟಿಗೆಯ ಹುಳುವಿನಂತೆ ಕುಟುಕಿದೆ ಹಳೆ ನೆನಪು

ಸ್ನೇಹ ಸುಖ ದುಃಖಗಳ ಶಾಶ್ವತ ಲಾಭವನ್ನನುಭವಿಸಿ
ಅದರ ಸಂಕೋಲೆಯಲಿ ತೊಳಲಾಡಿಸಿದೆ ಹಳೆ ನೆನಪು

ಸಾಲಸೂಲಗಳ ಮಧ್ಯ ಹೆಣಗಾಡಿ ಇಣುಕಿ ತಿಣುಕಿ
ತೀರಿಸಲಾಗದೆ ಬಳಲಿ ಬೆಂಡಾಗಿಸಿದೆ ಹಳೆ ನೆನಪು

ಗಂಜಿ ಘಟಿಗಿ ಕುಡಿದ ಜಿಂದಗಿಯಲ್ಲಿ ಯಾವುದನ್ನು
ಲೆಕ್ಕಿಸದೆ ಗುಂಡಿಗೆಯ ಗಟ್ಟಿಯಾಗಿಸಿದೆ ಹಳೆ ನೆನಪು

ದುಲ್ಹನ್ ನಂತಿರುವ ಹೊಸ ವರ್ಷದಿ ಅಭಿನವನ
ನುಡಿಯಂತೆ ಹೊಸದನ್ನು ತೋರಿಸಿದೆ ಹಳೆ ನೆನಪು.

-ಶಂಕರಾನಂದ ಹೆಬ್ಬಾಳ, ಬಾಗಲಕೋಟ