ನಡುರಾತ್ರಿ ಕವನಗಳು.

ಉರಿಯುತ್ತಿರುವ ದೀಪಕ್ಕು

ಹುಳುವೊಂದಕ್ಕು ಪ್ರೀತಿ.

.
ದೀಪದ ಸುತ್ತ ರೆಕ್ಕೆ ಬಡಿದು

ಕಾವು ಎಬ್ಬಿಸಿ, ರಮಿಸಿ.

,
ಆಗಾಗ ದೀಪ ಕತ್ತಲ ಸೇರುತ್ತಿತ್ತು

ಹುಳುವು ಕತ್ತಲಲ್ಲಿ ತಡವುತ್ತಿತ್ತು.

.
ಮತ್ತೆ ದೀಪ ಬೆಳಕಾಗುತ್ತಿತ್ತು

ಹುಳುವು ಬೆಚ್ಚಗಾಗುತಿತ್ತು.

.
ಕೋಣೆ ಒಳಗೆ ಹೊಸತೊಂದು

‘ಗಾಳಿ’ ತಾಕಿ ದೀಪಕ್ಕೆ ರೋಮಾಂಚನ.

.
ದೀಪ ನರ್ತನವರಿಯದ ಹುಳು,

ಸುತ್ತುವ ಗತಿ ಬದಲಾಗದ ಪ್ರೇಮ.

.
ಹೊತ್ತಿ ಉರಿಯಿತು ರೆಕ್ಕೆಗಳು
ಹಾರಲಾಗದೆ ಹುಳು ಬಿತ್ತುದೀಪದ ಕೆಳಗಿನ ಕತ್ತಲಲ್ಲಿ
ತಡವುತ್ತಿದೆ ತಡವುತ್ತಿದೆ
ಮತ್ತೆ ಮತ್ತೆ ತಡವುತ್ತಿದೆ..

– ಎಸ್. ಶೈಲಜೇಶ.
.