ಬ್ಯಾಸ್ಗಿ ಮಳಿ…

ಬ್ಯಾಸಿಗ್ಯಾಗೆ ಮಳಿ ಬಂದಾದೋ,

ಹೊಳೀ ತೊಯ್ದಾದೋ,,,

ಬಿರುಕು ಬಿಟ್ಟ ನೆಲದ

ಒಡಲಿಗೆ ತಂಪನೆರೆದಾದೋ,,,

.
ಒಣಗುತ್ತಿದ್ದ ಕೆರೆಕಟ್ಟೆಗುಂಟ

ನೀರೊರತೆ ನೀಡ್ಯಾದೋ..

ಬತ್ತುತ್ತಿದ್ದ ಬಾವಿಗಳಿಗೆ

ನೀರ ಬಸಿದ್ಯಾದೋ,,

.
ಹತ್ತುತ್ತಿದ್ದ ಕಾಡಿನ ಬೆಂಕಿ

ಆರಿ ಹೋಗ್ಯಾದೋ,,

ಒಣಗುತ್ತಿದ್ದ ಬ್ಯಾಸಿಗಿ ಬೆಳಿಗೆ

ನೀರ ಚೆಲ್ಯಾದೋ,.

.
ಬಸಿಯುತ್ತಿದ್ದ ಬೆವರ ಜೊತಿ

ಸೇರಿ ಹರಿದ್ಯಾದೋ,,

ಹಾರುತ್ತಿದ್ದ ಧೂಳಿನ ಕಣಗಳ

ತಟ್ಟಿ ಮಲಗಿಸ್ಯಾದೋ..

.
ಕೂಗುತ್ತಿದ್ದ ಕೋಗಿಲೆ ಕೂಗಿಗೆ

ಸಂಗೀತ ನೀಡ್ಯಾದೋ,,

ಚಿಗುರುತ್ತಿದ್ದ ಮಾವಿನಮಿಡಿ

ಜೊತಿಗೆ ನೃತ್ಯ ಮಾಡ್ಯಾದೋ,,

.
ಬೆಳೆದು ನಿಂತ ಹೊಂಗೆ ಹೂವು

ಬಾಗಿ ತೂಗ್ಯಾದೋ..

ಬೀಳುತ್ತಿದ್ದ ಆಲಿಕಲ್ಲು

ಆಡಿ ನಲಿದ್ಯಾದೋ,,

.
ಸಾಯುತ್ತಿದ್ದ ಪ್ರಾಣಿ, ಪಕ್ಷಿಗೆ

ನೀರ ಚಲ್ಯಾದೋ,,

ಆಡುತ್ತಿದ್ದ ಮಕ್ಕಳು ಮರಿಗೆ

ಕಾರಂಜಿಯಾಗ್ಯಾದೋ,,

-ಸುಮಿ

+20