‘ನಮ್ಮಷ್ಟಕ್ಕೆ ನಾವು’

Spread the love
Share Button

ಪಟ್ಟಣದಲ್ಲೀಗ ಗೆಳೆಯರೇ
ಸಿಕ್ಕುವುದಿಲ್ಲವಂತೆ..!
ನಮ್ಮ ಹಾಗೆ ಕಲೆಯಲು,
ಕೂಡಿ ಆಡಲು…

ಮಾತೂ ಕೂಡ ತುಟ್ಟಿಯಂತೆ
ಅಲ್ಲಿ..! ಮೊಬೈಲ್ ಗಳು
ಅದಕ್ಕೇ ಅಷ್ಟು ದುಬಾರಿ..!

ಸ್ನೇಹ ಮಂಟಪದ
ನೆರಳಿನಡಿ ಕೊಂಚ ಹೊತ್ತು
ಕೂರುವ ಬಾ ಗೆಳೆಯ….
.
ಇಲ್ಲಿ ಸಮಯಕ್ಕೇನೂ
ಅವಸರವಿಲ್ಲ. ಅದೇ ಗದ್ದೆ ,ಹೊಲ,
ತೋಟಗಳು ಕಾದಾವು ನಮಗೆ..
.
ಇಕೋ, ಮನಸ್ಸು ಹಗುರಾಗಲು
ಎಷ್ಟು ಸಮಯ ಹಿಡಿಯುತಿದೆ..!
ಹಿಂದೆ ಹೀಗಿತ್ತೇನು..?
.
ಈಗೀಗ ನಗರದ ಗಾಳಿ ಹಳ್ಳಿಗೂ
ಬೀಸುತ್ತಿದೆಯೇನೋ..!
ಬೇಸರಾಗಿದೆ ಮನಸಿಗೆ.
.
ಮುಖದ ಗೆರೆ ಕದಡುವಂತೆ
ನಗಲೂ ಬರದಲ್ಲ ನಮಗೆ?
ಮನಸ್ಸೊಳಗೇ ಬಿಮ್ಮು, ಹಮ್ಮು.
.
ಒಮ್ಮೆ ಪ್ರಯತ್ನಿಸೋಣ
ಗೆಳೆಯ ಮನವರಳಿಸಿಕೊಂಡು
ನಗಲು.. ನಗಲು..
.
ನಕ್ಕು  ಹಗುರಾಗುವ,
ನಮ್ಮಷ್ಟಕ್ಕೆ ನಾವು ಸಣ್ಣವರಾಗಿದ್ದಾಗ
ನಕ್ಕಂತೆ.. ವಿನಾಕಾರಣ..!
.
ನಗರದ ಗಾಳಿ ಹಳ್ಳಿಗಳೆಡೆಗೆ
ಬೀಸುವುದು ಬೇಡವಾಗಿದೆ ನನಗೆ,
ನಿನಗೆ ಹೇಗೆ…. ?
.
– ವಸುಂಧರಾ ಕೆ. ಎಂ., ಬೆಂಗಳೂರು

,

4 Responses

  1. Smitha Amrithraj says:

    ಚೆಂದಿದೆ ವಸುಂಧರಾ

  2. Shankari Sharma says:

    ಸುಂದರ ಕವನ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: