ಪರಸ್ಪರ
ಹಕ್ಕಿಗೆ ಮರದ , ಮರಕ್ಕೆ
ಹಕ್ಕಿಯ ಹಂಗಿಲ್ಲ ಎಂದರು
ಹಿರಿಯರು.
ಅವರಿಗೆ ನಮಸ್ಕಾರ
ಆದರೆ
ಮರದ ಬೀಜ ಹಕ್ಕಿಯ ಒಡಲಲ್ಲಿ
ಎಲ್ಲೋ ದಾಟಿ ಮೊಳೆತು
ಮತ್ತೆ ಮರ
ಮರದ ಪೊಟರೆ ಕೊಂಬೆಗಳಲ್ಲಿ
ಹಕ್ಕಿ ಗೂಡಾಗಿ ಮೊಟ್ಟೆ ಮರಿ
ಮಾಡಿ-ಸಂಸಾರ
ಹೀಗೆ ಸ್ಥಾವರ- ಜಂಗಮ ಜೀವ
ಸಂಚಾರ
ನನ್ನೊಬ್ಬ ಗೆಳೆಯ ಹೇಳುತ್ತಿದ್ದ
ರಾತ್ರಿ ಹಗಲಿನ ಕತ್ತಲನ್ನು
ಪಡೆದು ಇರುಳು
ಹಗಲು ರಾತ್ರಿಯ ಬೆಳಕನ್ನು
ಹೀರಿ…
ಒಂದು ಇನ್ನೊಂದರ ಪೊರೆದು
ಆಧಾರ
ಹಂಗೆಂದರೆ ಹಂಗು
ಅಲ್ಲವೆ.ಕಂಡಂತೆ
ಕಾಣ್ಕೆ
.
– ಗೋವಿಂದ ಹೆಗಡೆ
