ಪ್ರತಿಯೊಬ್ಬರೂ ಹೊಂದಿರಬೇಕು ಗಳಿಕೆ
ಅದರಲ್ಲಿಯೇ ಮಾಡಬೇಕು ಒಂದಿಷ್ಟು ಉಳಿಕೆ
ಚೆನ್ನಾಗಿ ಕಲಿತುಕೊಳ್ಳಬೇಕು ಆರ್ಥಿಕ ಹೂಡಿಕೆ
ಅದುವೇ ಮುಂದಿನ ಜೀವನಕ್ಕಾಗುವುದು ಕಾಣಿಕೆ
ಬದುಕಿನಲ್ಲಿರಬೇಕು ನಿತ್ಯ ನಿರಂತರ ಕಲಿಕೆ
ದಾರಿ ತೋರುವುದದು ನೆಮ್ಮದಿಯ ಜೀವನಕೆ
ಹತೋಟಿಯಲ್ಲಿಟ್ಟುಕೊಳ್ಳಬೇಕು ನಮ್ಮ ಬಯಕೆ
ಕಡಿವಾಣ ಹಾಕಲೇಬೇಕು ದುಂದು ವೆಚ್ಚಕ್ಕೆ
ಹಾಕುತ್ತಿರಬೇಕು ನಾವಿಲ್ಲಿ ಎಚ್ಚರಿಕೆಯ ನಡಿಗೆ
ಹೊಂದಿರಬೇಕು ನಾವಿಲ್ಲಿ ಗಟ್ಟಿ ಗುಂಡಿಗೆ
ಎದುರಿಸಲು ಸಿದ್ಧವಾಗಿರಬೇಕು ಕಠಿಣ ಪರಿಸ್ಥಿತಿಗೆ
ಕಷ್ಟಗಳು ಎದುರಾಗುತ್ತಲೇ ಇರುವುದು ಅಡಿಗಡಿಗೆ
ಕೈಯಲ್ಲಿ ಕಾಸು ಓಡಾಡುವಾಗ ಎಲ್ಲಾ ಸುಲಭ
ಒಮ್ಮೆ ಸಮಸ್ಯೆ ಎದುರಾದಾಗ ಎಲ್ಲಾ ದುರ್ಲಭ
ಇದ್ದಾಗ ಬೇಕಿಲ್ಲ ಅತಿಯಾದ ಕಾರು _ಬಾರು
ಕಷ್ಟ ಬಂದಾಗ ಯಾರಿಗೆ ಹೇಳಲಾಗದು ದೂರು
ಬರುವುದು ಒಂದರ ಹಿಂದೆ ಒಂದರಂತೆ ನೂರಾರು
ನಾಗರಾಜ ಜಿ.ಎನ್. ಬಾಡ,ಕುಮಟ
ಉತ್ತಮ ಸಂದೇಶ ಹೊಂದಿದ ಕವನ
ಕವಿತೆ.. ಚನ್ನಾಗಿದೆ.. ಸಾರ್
ಚಂದದ ಕವನ
ಸುಖದ ಬಾಳಿಗೆ ಸರಳವಾದ ಸಲಹೆ ಸೂಚನೆಗಳನ್ನೀವ ಸುಂದರ ಕವಿತೆ
ಬದುಕಿನ ವಾಸ್ತವಿಕತೆಯನ್ನು ತೆರೆದು ತೋರಿಸುವ ಭಾವಪೂರ್ಣ ಕವನ.