ನೀನು ಮೊಟ್ಟೆಗೆ ಪಾಠ ಹೇಳುವಷ್ಟರಲ್ಲೇ
ಅದು ಲಾರ್ವಾ ಆಗಿರುತ್ತದೆ –
ನಿನ್ನ ಬೋರ್ಡಿನ ಹಿಂದಿನ ಪಾಠವು
ಆ ಕ್ಷಣವೇ ಹಳೆಯದಾಗಿರುತ್ತದೆ.
ನೀನು ಸರಿಹೊಂದಿಕೊಂಡು
ಲಾರ್ವಾದ ರೂಪದ ಜಗತ್ತಿಗೆ ಪಾಠ ಹೇಳಲು ಹೊರಟರೆ,
ಅದು ಪ್ಯೂಪಾ ಆಗಿ ನಿಶ್ಚಲವಾಗಿ
ಹೊಸ ರೂಪ ತಯಾರು ಮಾಡಿಕೊಳ್ಳುತ್ತಿದೆ.
ನೀನು ಹಠದಿಂದ ಪ್ಯೂಪಾದೊಡನೆ ಮಾತನಾಡಲು ಪ್ರಾರಂಭಿಸಿದಾಗ –
ಅದು ಈಗ ಚಿಟ್ಟೆ,
ಬಣ್ಣದ ರೆಕ್ಕೆಗಳಲಿ ಸ್ವಾತಂತ್ರ್ಯದ ಪಾಠ ಬರೆದಿದೆ.
“ನಿನ್ನ ಬೋಧನೆಗಳ ಅಗತ್ಯ ಇಲ್ಲ ನನಗೆ,”
ಎಂದು ಹಾರಿಹೋಗುತ್ತದೆ.
ಆಗ ನೀನು
‘ಟೀಚರ್’ ಎಂಬ ಪಾತ್ರದಿಂದ ಇಳಿದು,
ಮಗುವಾಗಿ ಬದಲಾಗುತ್ತೀಯ-
ಚಪ್ಪಾಳೆ ತಟ್ಟುತ್ತಾ,
ಹಾರುವ ಪಾಠವನ್ನೇ ಕಲಿಯುತ್ತೀಯ.
ತೆಲುಗು ಮೂಲ : ದಗ್ಗುಮಾಟಿ ಪದ್ಮಾಕರ್
ಕನ್ನಡ ಅನುವಾದ: ಕೊಡೀಹಳ್ಳಿ ಮುರಳೀ ಮೋಹನ್
