ಮಳೆಯೆಂದರೆ…….

ಮಳೆಯೆಂದರೆ ಹಾಗೆ
ಬಚ್ಚಿಟ್ಟುಕೊಳ್ಳುವ ಮನಸು
ಹನಿ ಹನಿಯಾಗಿ ಬಿದ್ದು
ಇಳೆ ತುಂಬುವ ಕನಸು

ಓಡುವಾ ಮೋಡದಲ್ಲಿ
ನೀರ ಹನಿಗಳ ತಕದಿಮಿತ
ತಂಗಾಳಿ ಅಲೆಯಲ್ಲಿ
ತುಂತುರು ಮಳೆ ಕುಣಿತ

ಹಸಿರೊಡೆವ ಹಸಿರಲಿ ತಂಪು
ಸೂಸುವ ತಳಿರು
ಕಾನನದ ಎಡೆಯಲ್ಲಿ ಕಂಪು
ತುಂಬಿದ ಉಸಿರು

ಮಣ್ಣ ಕಣ ಕಣದಿ
ನವಿರು ಭಾವದ ತನನ
ಗಾಳಿ ಗಂಧದ ನೆಲದಿ
ನಗುವ ಮೊಗದ ನಯನ

ಜೀವಜಾಲದ ನೆರವಿಗೆ
ಮಳೆ ಹನಿಗಳ ಹಾಡು
ಜೀವ ಹಸಿರಿನ ಉಳಿವಿಗೆ
ಹರಿವ ನೀರಿನ ಜಾಡು.

-ನಾಗರಾಜ ಬಿ. ನಾಯ್ಕ, ಕುಮಟಾ.

+9