ವಿಳಾಸ

ಗೆಳೆಯಾ !
ನಿನ್ನ ವಿಳಾಸಕ್ಕಾಗಿ
ಗುಡಿಗೋಪುರಗಳೇ ಅಲ್ಲ
ಬೆಟ್ಟಗಳು ಕಣಿವೆಗಳನ್ನು
ಹುಡುಕುವ ಕೆಲಸವಿಲ್ಲ

ಒಬ್ಬಂಟಿಯಾಗಿರುವಾಗ
ನಿನ್ನ ಆತ್ಮವನ್ನು ಪ್ರಶ್ನಿಸು

ನಿನ್ನ ಮೊಮ್ಮಗಳ ತುಟಿಗಳಮೇಲಿನ
ನಿರ್ಮಲವಾದ ಮುಗುಳ್ನಗೆಯನ್ನು ಕೇಳು

ನಿನ್ನ ಮನೆಯ ಮುಂದಿರುವ
ಆರೋಗ್ಯ ಧಾಮ
ಆ ಬೇವಿನ ಮರವನ್ನು ವಿಚಾರಿಸು

ಸವಿಯೂಟದ ನಂತರ
ಕಸದ ಬುಟ್ಟಿಗೆ ಎಸೆದಿದ್ದ
ಊಟದ ಎಲೆಯಲ್ಲಿರುವ ಅನ್ನದ ಕಣವನ್ನು ಕೇಳು

ಶರೀರದಿಂದ ಜಾರಿ ಬೀಳುವ
ಶ್ರಮಾಮೃತ ಹನಿಗಳನ್ನು ಕೇಳು

ಎಲ್ಲಿಯೂ ಸಾಧ್ಯವಾಗದಿದ್ದರೆ
ನಿನ್ನ ಕಾಲು ಕೆಳಗಿನ
ಹಿಡಿ ಮಣ್ಣನ್ನು ಕೇಳು !

ತೆಲುಗು ಮೂಲ: ಈತಕೋಟ ಸುಬ್ಬಾರಾವು
ಕನ್ನಡ ಅನುವಾದ: ಕೊಡೀಹಳ್ಳಿ ಮುರಳೀಮೋಹನ್