ಮನದಲ್ಲಿ ಮೂಡಿ ಬಂದ ಚಿಂತನೆ
ಕರಗಿ ಹೋಗದಿರಲಿ
ಹೇಳುವ ದಾರಿಗಾಣದೆ
ಕೊರಗಿ ಸಾಯದಿರಲಿ
ಕನ್ನಡವೊಂದು ಅದ್ಭುತ ಆಟವು
ಆಡುವ ಛಲವಿರಬೇಕು
ಕಟ್ಟುವ ಲಯವಿರಬೇಕು
ಪಳ್ಳನೆ ಮಿಂಚಿನಂತೆ
ಕಂಡು ಬಂದ ಭಾವನೆಗೆ
ಪದಗಳ ಹೊಸೆಯಬೇಕು
ಸಂಬಂಧ ಬೆಸೆಯಬೇಕು
ಬಳಸಿದ ನುಡಿಗಳಲ್ಲಿ ಸ್ಪಷ್ಟತೆ ತರಬೇಕು
ಗಳಿಸಿದ ಆಲೋಚನೆಗಳಲ್ಲಿ ನೈಜತೆ ಕಾಣಬೇಕು
ಶಿಲ್ಪಿಯ ಕುಸುರಿ ಕೆತ್ತನೆಯಂತೆ
ಜೀವಕಳೆ ತುಂಬಿದ ಮೂರ್ತಿಯಂತೆ
ಎಂದೂ ಕೇಳದ ಭೃಂಗದ ಸಂಗೀತದಂತೆ
ಮತ್ತೆಂದೂ ಮರೆಯದ ಪಿಸುಗುಟ್ಟುವ ಮಾತಿನಂತೆ
ಶಬ್ದಗಳೋ ಭಾವನೆಗಳ ಅಸನ ವಸನಗಳು
ಎದೆಯ ತೋಟದಲ್ಲಿ ಬಿರಿದ ಸುಂದರ ಕುಸುಮಗಳು
ಕೌತುಕದ ಕಣ್ಣುಗಳ ಹಿಂದೆ ಬಂಧಿಯಾಗಿದೆ ವಿಷಯ ಮಂದೆ
ಮುಕ್ತಗೊಳಿಸ ಬಂದರು ನೋಡಿ
ಪದಗಳೆಂಬ ವೀರ ಯೋಧರು
ಅನುಭವದ ಮೂರ್ತರೂಪ ನುಡಿಗಳಾಗಿ ಮೈದಳೆದಿದೆ
ಕೈಗೆಟುಕದ ಹೊಸ ಭಾವ ಪದ್ಯವಾಗಿ ಹೊರ ಹೊಮ್ಮಿದೆ
-ಕೆ.ಎಂ ಶರಣಬಸವೇಶ.
ಕವನ..ಸರಳ ಸುಂದರವಾಗಿ ದೆ ಸಾರ್…
ಚೆನ್ನಾಗಿದೆ ಕವನ
ಕವನ ತುಂಬಾ ಚೆನ್ನಾಗಿ ಮೂಡಿ ಬಂದಿದೆ.
ಕವನ ಸುಂದರವಾಗಿ ಮೂಡಿ ಬಂದಿದೆ
Nice Sharani ,as usual excellent composition and comprising words/sentences in a such blending form will definitely leads to a form excellent architecture of poetry.Always God blessed my friend.sharani.
ಹೃದಯದಲ್ಲಿ ಬಂದಿಯಾದ ಭಾವನೆಗಳಿಗೆ ರೂಪ ಕೊಡುವ ಕನ್ನಡ ಪದಗಳ ಮೋಡಿ ನೋಡಿ ಮೂಕಳಾದೆ
ಸೊಗಸಾದ ಕವನ