ಪೊದರ್ಹೊದರ ಮೆತ್ತೆಯಲ್ಲಿ…..

Share Button

ಎಡೆಬಿಡದೆ ಸುರಿವ ಮಳೆಗೆ
ಜೀವ ನೆನೆದಿದೆ ನೋಡಿಲ್ಲಿ…!
ನಿನ್ನ ನೆನಪ ಹನಿಗಳಲ್ಲಿ…
ಒಲವೆನುವ ಬನಿಯ ಚೆಲ್ಲಿ…!!

ನಿನ್ನುಸಿರ ಪದಗಳೆದೆಯ
ಮೋಡ ಮೆತ್ತೆಯಲ್ಲಿ..
ನಿನ್ಹಸಿರ ನಗುವ ಮೊಗದ
ಇಂದ್ರಛಾಪದಲ್ಲಿ..!!
ಕನಸೆನುವ ಇಬ್ಬನಿಯ ಪನಿಯು
ನನ್ನೆದೆಯ ಹಾಸ ಮೇಲೆ..!

ಜೋಪಡಿಯ ಜಾರಿನಲ್ಲಿ
ಸುರಿಹರಿವ ನೀರಿನಲ್ಲಿ
ಬೊಗಸೆ ಪ್ರೀತಿ ಕೂಡಿ
ಕಿರುನಗೆಯು ಹೊದಿಕೆ..
ಮೆದುಮನದ ಪುಳಕ ಜಳಕ
ಬರಿದೆ ಒಲುಮೆ ಬೇಡಿಕೆ..

ಮೊಗೆಮೊಗೆದು ಉಣುವ
ಹಿಡಿಚಳಿಯ ನಡುಕ ಗುಟುಕ
ಇಳಿಸಂಜೆ ಹೊತ್ತಿನಲಿ..
ಮುದುರೊದರಿ ಮಲಗೋ
ವಿಹಗ ಮೃಗದಂತೆ
ಪೊದರ್ಹೊದರ ಮೆತ್ತೆಯಲ್ಲಿ…!!

ಅರ್ಚನಾ ಎಚ್ , ಬೆಂಗಳೂರು

11 Responses

  1. ಅರ್ಥಪೂರ್ಣ ವಾದ ಕವನ..ಸೊಗಸಾಗಿ ಮೂಡಿಬಂದಿದೆ…

  2. ನಯನ ಬಜಕೂಡ್ಲು says:

    ಬಹಳ ಚೆನ್ನಾಗಿದೆ ಕವನ

  3. dharmanna dhanni says:

    ಅರ್ಥಪೂರ್ಣ ಕವನ. ಮನ ಮಿಡಿದಿದೆ…ಧನ್ಯವಾದಗಳು

  4. Padma Anand says:

    ಚಂದದ ಪ್ರಕೃತಿ ವರ್ಣನೆಯಿಂದೊಡಗೂಡಿದ ಸುಂದರ ಕವಿತೆ

  5. . ಶಂಕರಿ ಶರ್ಮ says:

    ಪ್ರಕೃತಿ ಮಡಿಲಿನಲ್ಲಿ ನಲಿದಾಡಿದೆ ಈ ಸುಂದರ ಕವನ…

  6. Anonymous says:

    ತುಂಬ ಚೆಂದದ ಕವನ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: