ನೆನಪುಗಳೊಂದಿಗೆ

Share Button
 
 

ಮೌನ ಮೆರವಣಿಗೆ ನಡೆದಿದೆ
ರಥೋತ್ಸವದಲ್ಲಿ
ರಂಗುರಂಗಿನ ಕನಸುಗಳ ಹೊತ್ತು
ನೆನಪುಗಳ ಅನಾವರಣ
ಕಹಿ ಮರೆವಿನ ಪಲಾಯನ !

ಉಳಿದು ಹೋಗಿದೆ ನೆನಪುಗಳು
ಎಂದೆಂದಿಗೂ ಕರಗದಂತೆ
” ತಿಮ್ಮಪ್ಪನ ” ಐಶ್ವರ್ಯದಂತೆ
ಬಳಸಿದಷ್ಟೊ ……
ಕರಗಿಸಿದಷ್ಟೊ ……
ಎಂದೆಂದಿಗೂ ಮುಗಿಯದಂತೆ…..

ನೆನಪಿನ ಹನಿಗಳು ಜಾರುತಿದೆ
ಬಿಸಿಬಿಸಿಯಾಗಿ ಕೆನ್ನೆಗಳ ಮೇಲೆ
ಜಾರಿದರೂ ಉಳಿಸಿ ಹೋಗಿವೆ
ನೆನಪಿನ ಚಿತ್ತಾರವನ್ನು
ನೆನಪುಗಳೇ ಹಾಗೆ
ಮರೆಯಬೇಕೆಂದರೂ ,
ಮರೆಯಲಾಗದ , ಹಳೆಯದಾದಷ್ಟೊ
ನೆನಪುಗಳು ಮತ್ತೆ ಮತ್ತೆ ಕಾಡುತ್ತವೆ

ಜೀವದೊಡನೆ ಬೆಸೆದಿರುವ
ಆತ್ಮದಂತೆ ಹೃದಯದೊಳಗೇ
ಬೆಚ್ಚಗೆ ಮುದುಡಿ ಮಲಗಿದೆ ನೆನಪುಗಳು …..
ಆದರೂ,
ನನಗೆ ಭಯ
ರೆಕ್ಕೆ ಪುಕ್ಕ ಬಲಿತೊಡನೆ
ಗೂಡುಬಿಟ್ಟು ಹಾರಿಹೋಗುವ
ಪುಟ್ಟ ಹಕ್ಕಿಯಂತಾದರೆ ……?!

-ಪ್ರಭಾಕರ ತಾಮ್ರಗೌರಿ, ಗೋಕರ್ಣ

7 Responses

  1. ನಾಗರತ್ನ ಬಿ. ಅರ್. says:

    ನೆನಪುಗಳು ಬೆಚ್ಚನೆಯ ಗೂಡಿನಲ್ಲಿದ್ದರೆ ಚೆನ್ನ ಆಗಾಗ ಮೆಲುಕು ಹಾಕಬಹುದು .. ರೆಕ್ಕೆ ಬಲಿತ ಹಕ್ಕಿಯಂತಾಗಬಾರದೆಂಬ ಅನಿಸಿಕೆ ವ್ಯಕ್ತಪಡಿಸಿರುವ ಕವನ ಚೆನ್ನಾಗಿದೆ ಅಭಿನಂದನೆಗಳು ಸಾರ್

    • ಪ್ರಭಾಕರ ತಾಮ್ರಗೌರಿ ಗೋಕರ್ಣ says:

      ತುಂಬಾ ಧನ್ಯವಾದಗಳು ಮೇಡಂ

  2. ನಯನ ಬಜಕೂಡ್ಲು says:

    ಬ್ಯೂಟಿಫುಲ್

    • ಪ್ರಭಾಕರ ತಾಮ್ರಗೌರಿ ಗೋಕರ್ಣ says:

      ಧನ್ಯವಾದಗಳು ಮೇಡಂ

  3. ಶಂಕರಿ ಶರ್ಮ says:

    ಕಟು ನೆನಪುಗಳು ಕಾಡಿದಾಗ, ಕೆನ್ನೆ ಮೇಲೆ ಕಣ್ಣೀರು ಹರಿಯದಿರುವುದೇ? ಮನದ ಭಾವನೆಗಳನ್ನು ಕವನದ ಸಾಲುಗಳಲ್ಲಿ ಬಿತ್ತಿದ ಬಗೆ ಸೊಗಸಾಗಿದೆ.

  4. ಶಿವಮೂರ್ತಿ.ಹೆಚ್. says:

    ವಾವ್ ಸೂಪರ್ ಸರ್

  5. Padmini says:

    Nice presentation

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: