ಮುಗಿಯದ ಕಥೆ

ಮಜಲುಗಳನ್ನು ದಾಟಿ ಹೋದವರು
ಬರುತ್ತಲೇ ಇದ್ದಾರೆ, ನೋಡಲು;
ಮುಗಿಯಿತೇ? ಎಂದು ‌ನಿಟ್ಟುಸಿರು ಬಿಟ್ಟರೆ
ಮತ್ತಷ್ಟು ಜನರು ಬಂದಿದ್ದರು, ಬೇಡಲು;

ಏನೆಂದು ಹೇಳಲಿ ಈ ಕಥೆಯ
ಹೋದವರೇ ತಿರುಗಿ ತಿರುಗಿ ಬರುತ್ತಾರೆ, ಮಾಡಲು;
ಚಣಕಾಲ ಕೂರುವ ಹಾಗಿಲ್ಲ, ನಿಲ್ಲುವ ಹಾಗಿಲ್ಲ
ತಿರುಗಿದ ಚಕ್ರ ಇನ್ನಷ್ಟು ‌ಜನರನ್ನು‌ ತಂದಿತ್ತು, ಕರೆಯಲು;

ಊಟದ ತಟ್ಟೆಯೂ ತೂತು
ಹಂಚಿ ತಿನ್ನಲೂ ಉಳಿಯುವುದಿಲ್ಲ, ಬದುಕಲು;
ಸಂತೆಯ ರೊಟ್ಟಿಯಂಗಡಿ ಕಾದಿದ್ದರೂ ತಣ್ಣಗೆ
ಬಾಯಿಗಿಡುವಷ್ಟರಲ್ಲಿ ಕರಗಿ ಹೋಗುತ್ತದೆ, ಸಾಯಲು;

ಒಂದು ಹೊಳೆಯ‌ ತೆರೆಯ ನಡುವೆ ಸಾಗೆಂದರೆ
ಕವಿಭಾಷೆ ಬೇಡವಯ್ಯ ಎನುವರು, ಬೈಯಲು;
ಸಾಕಾಗಿ ಹೋಗುತ್ತದೆ, ಜೀವನ ಹಾಗೆ ಜೀವ ಹೀಗೆ
ಏನ ಹೇಳಲಿ ಇವರಿಗೆಂದು ಕೂತರೆ ಸಿಗುವುದು, ಇದ್ದಿಲು;

ಅಬ್ಬಾ! ಒಬ್ಬರನು ಸಾಕಾಯಿತು ಇನ್ನು ಚಿಂತೆಯಿಲ್ಲ
ಎನುವ ಹಾಗೇ ಇಲ್ಲ ನೂರಾರು ಮಂದಿಯಿರುವರು,‌ ಸಾಲು ಸಾಲು;
ಎಲ್ಲರಿಗೂ ಬೇಕು, ಎಲ್ಲರೂ ಬೇಕು ಬಿಸಿ ತುಪ್ಪದ ಹಾಗೆ
ಓಡಿಸಿದರೆ ಬರುತ್ತಾರೆ, ಇಟ್ಟುಕೊಂಡರೆ ಸಿಗಿಯುತ್ತಾರೆ, ಹುಲಿಗಳು;

©ಸ್ಕಂದಮಿತ್ರ