ಬೇಲಿ

Spread the love
Share Button

.

ಬೇಲಿ ಹಾಕಲೇಬೇಕೆಂಬುದು
ಬಹುದಿನದ ಕನಸು
ಹಾಗೆ,ಹೀಗೆ
ಬೇಕಾದ ಸರಕು ಜೋಡಣೆ,
ಭರದ ಸಿದ್ಧತೆ
ನಮ್ಮದೇ ಭದ್ರತೆಯ ಕೋಟೆಗೆ
ಅದೆಂತ ಉತ್ಸಾಹ
ಸಂಧಿ,ಗೊಂಧಿಗಳಲೂ ಹಾವು,ಜಂತೂ
ನುಸುಳದಂತೆ ಗಿಡ ನೆಟ್ಟು
ಬೇಲಿಯಲೂ ಹೂಗಳ ನಿರೀಕ್ಷೆ.

ಕನಸಿನಂತೆ ಮೊಗ್ಗು
ಬಿರಿದೇ ಇಲ್ಲವೆಂದಲ್ಲ
ಅವು
ಆರಂಭ ಶೂರತ್ವ ಗಿಡವಿರಬೇಕು
ಅರಳಿ ಉದುರಿದ ಬೀಜ
ಚಿಗುರಲೇಕೋ ಆಕಳಿಸಿ
ಎದುರಿದ್ದ ಬೇಲಿಯಲಿ
ನಳ ನಳಿಸಿದ ನೀಲಿ ಹೂವಲಿ
ಬಿದ್ದ ಕಣ್ಣ ಕೀಳಲಾಗದೆ
ಝೇಂಕರಿಸುವ ಹುನ್ನಾರ
ಕನಸಿನ ಬೇಲಿ ಸೊರಗಿ
ಕೊರಡಾಗುವುದನೊಪ್ಪದೆ
ಕೊನರಿಸಲೇಬೇಕೆಂಬ ಹಠಕ್ಕೆ ಬಿದ್ದು
ಹನಿಸಿದಷ್ಟೂ ಕಣ್ಣು ಕೊಳವಲ್ಲ
ಕಡಲು.

ಬೇಲಿ ತುಂಬಾ  ಅಲ್ಲಲ್ಲಿ ಬಿರುಕು
ಸಲಗ ಪಳಗಿಸುವಂತೆ
ಕಾಷ್ಠ ಪಲ್ಲವಿಸಲು ಹೈರಾಣು.
ಮಳೆ ಹೊಯ್ಯುತ್ತಿದೆ ಈಗ
ಹೊಸ ಭರವಸೆಯ ಬೀಜ
ತಂದಿರಿಸಿರುವೆ
ತಡ ಮಾಡದೆ ಬೇಲಿಗುಂಟ
ಬಿತ್ತಬೇಕಿದೆ.

-ಸುನೀತ ಕುಶಾಲನಗರ.

.

 

13 Responses

  1. Samatha says:

    ತುಂಬಾ ಚೆನ್ನಾಗಿದೆ ಸುನೀತ

  2. ಜಗಧೀಶ ಸಾಗರ್ says:

    ಚಂದದ ಕವಿತೆ.

  3. Anonymous says:

    Very nice.

  4. Latha v.p. says:

    Thumba chennagide sunitha

  5. Savithri bhat says:

    ಚೆನ್ನಾದ ಕವನ

  6. ನಯನ ಬಜಕೂಡ್ಲು says:

    ಬೇಲಿ, ಹೂವಿನ ಗಿಡಗಳ ಜೊತೆಗೆ ಮನಸು, ಅದರೊಳಗೊಂದು ಕನಸು, ಎಲ್ಲವೂ ಒಂದರೊಳಗೊಂದು ತಳುಕು ಹಾಕಿಕೊಂಡಿವೆ. ಚಂದದ ಕವನ

  7. ಧರ್ಮಣ ಧನ್ನಿ says:

    ಸುಂದರವಾದ ಕವನ. ಧನ್ಯವಾದಗಳು

  8. ಶೈಲಜಾ says:

    ಚೆನ್ನಾಗಿದೆ ಕವಿತೆ ‌..,.ಸುನೀತಕ್ಕ.

  9. Hema says:

    ‘ಹೊಸ ಭರವಸೆಯ ಬೀಜ ತಂದಿರಿಸಿರುವೆ’ ಈ ಆಶಾಭಾವ ಖುಷಿಯಾಯಿತು. ಚೆಂದದ ಕವನ.

  10. Anonymous says:

    Kavana adbuta

  11. Kavitha A Y says:

    ತುಂಬಾ ಆರ್ಥಗಳನ್ನು ಒಳಗೊಂಡ ಕವಿತೆ. ಚೆನ್ನಾಗಿದೆ.

  12. ಮಹಾಬಲ says:

    ಚಿಂತನೆ ಚೆನ್ನಾಗಿದೆ
    ಮಹಾಬಲ

  13. ಶಂಕರಿ ಶರ್ಮ says:

    ಭರವಸೆಯ ಬೆಳಕು ಬೀರುವ ಚಂದದ ಕವನ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: