ಎಚ್ಚರ ಹೆಣ್ಣೆ..!

ನಾರಿ ನಿನಗೂ ಸಮಾನ ಹಕ್ಕಿದೆ

ಬದುಕಿನ ಆಯ್ಕೆ ಮುಕ್ತವಾಗಿದೆ

ಜಾರಿ ಬಿಳಿಸೊ ಜನರ ನಡುವೆ

ನೀನಿಡು ಎಚ್ಚರದಿ ಸಜ್ಜನದ ಹೆಜ್ಜೆ,

.
ಭಕ್ಷಣೆ ಭರದಲಿ ಈ ಜಗ ನುಗ್ಗಿದೆ

ರಕ್ಷಿಸೋ ಕೈಗಳು ಕುಕ್ಕಿ ತಿನ್ನುತ್ತಿವೆ

ಶೋಷಣೆ ಹಿಂಸೆಗಳಿಲ್ಲಿ ಸಾಮಾನ್ಯವು

ಮೆಟ್ಟು ಇದನೆಲ್ಲವ ನೀ ಅಸಾಮಾನ್ಯಳು

.
ಬಿಡುಗಡೆ ಸಿಕ್ಕಿದೆ ನಿಲುಗಡೆಯಿಲ್ಲದೆ

ಲಘುಲಘು ಮುನ್ನಡೆ ನಿನಗಾಗದು ಹಿನ್ನೆಡೆ

ಜಗವೇ ಹೊಗಳುವ ಧೈರ್ಯವು ನಿನ್ನದೆ

ಬಗೆಬಗೆ ಬದುಕಿದೆ ಕುಗ್ಗದೆ ನೀ ನೆಡೆ

.
ಬಂಧನದ ಬಾಳು ಇನ್ನಿಲ್ಲವಾಗಿದೆ

ಬಯಕೆಯ ಬಾಗಿಲು ತಾನೇ ತೆರೆದಿದೆ

ಬಯಸಿದ ಬದುಕು ನಿಂಗಾಗಿ ಕಾದಿದೆ

ಬಣ್ಣಿಸಲಸದಳವಾಗಲಿ ಹೆಣ್ಣೇಕೆನ್ನುವಗೆ

.
ಎಚ್ಚರ ಹೆಣ್ಣೆ! ಸ್ವಚ್ಛದಿ ಬಾಳಲು ಪೀಡರು ಬಿಡರು

ಬದುಕಲಿ ಸಿಗಲಿವೆ ಸಾವಿರ ಎಡರು ತೊಡರು

ಮೆಟ್ಟುತ್ತ ಮುನ್ನಡೆ ನೀ, ಶಕ್ತಿಯು ಹೆಣ್ಣು

ಜಗಜಟ್ಟಿಯು ನೀ, ಮನುಕುಲದ ಕಣ್ಣು

-ಶಿವಾನಂದ್ ಕರೂರ್ ಮಠ್, ದಾವಣಗೆರೆ.