ಗಜ಼ಲ್-1 : ವಾಡಿಕೆಯಂತೆ

Spread the love
Share Button

ದೀಪ – ಗಾಳಿ ನಿನ್ನವೇ ಎಂದಿದ್ದೇವೆ ವಾಡಿಕೆಯಂತೆ
ಆರದಿರಲಿ ಬೆಳಕು ಎಂದು ಬೇಡಿದ್ದೇವೆ ವಾಡಿಕೆಯಂತೆ

ಮಳೆ ಸುರಿದು ನೆರೆಯೇರಿ ಕೊಚ್ಚಿದೆ ಬದುಕುಗಳ
‘ನೀನೇ ಗತಿ’ಯೆಂದು ಬಾಗಿದ್ದೇವೆ ವಾಡಿಕೆಯಂತೆ

ಕತ್ತಲಿನ ಭಯದಲ್ಲಿ ಹೊಕ್ಕಿದ್ದೇವೆ ಬೆಳಕಿನ ಮೊರೆ
ಬಿಡದೆ ‘ತಮಸೋಮಾ’ ಹಾಡಿದ್ದೇವೆ ವಾಡಿಕೆಯಂತೆ

ಏನಾದರೂ ಮಾಡಿಕೋ ಎಂದರೆ ಆಯ್ಕೆ ಉಳಿದಂತೇನು
ನಮಗೆ ನಾವೇ ಹುಸಿಯಾಗಿದ್ದೇವೆ ವಾಡಿಕೆಯಂತೆ

ವಕಾಲತ್ತು ಕೊಟ್ಟು ಶರಣಾಗುವುದು ಸುಲಭವೇನು
ತುಟಿಯಂಚಿನ ಮಾತು ಆಡಿದ್ದೇವೆ ವಾಡಿಕೆಯಂತೆ

ಕನ್ನಡಿಯಲ್ಲಿ ಕಣ್ಣಿಟ್ಟು ನೋಡಲೂ ಧೈರ್ಯ ಬೇಕು
ಕಣ್ಣು ಮುಚ್ಚಿ ಹಾಲು ಕುಡಿದಿದ್ದೇವೆ ವಾಡಿಕೆಯಂತೆ

• ಡಾ. ಗೋವಿಂದ ಹೆಗಡೆ

8 Responses

  1. T S SHRAVANA KUMARI says:

    ಸೊಗಸಾಗಿದೆ

  2. ಸುಜಾತಾ ಲಕ್ಮನೆ says:

    ಮಾರ್ಮಿಕವಾದ ಗಜಲ್. ಚಂದ..

  3. Girish Jakapure says:

    ಚೆನ್ನಾಗಿದೆ… ವಾಡಿಕೆಯಂತೆಯೇ

  4. C Rameshbabu says:

    ಎಂದಿನಂತೆ ಸುಂದರ !

  5. ನಯನ ಬಜಕೂಡ್ಲು says:

    ಭಾವ ವಾಡಿಕೆಯಲ್ಲ , ಅಂತರಾಳದ ಮಾತಿನ ಹೊದಿಕೆ.
    ಚೆನ್ನಾಗಿದೆ ಸರ್ ಗಝಲ್ ಗಳು .

  6. Hema says:

    ‘ಕಣ್ಣು ಮುಚ್ಚಿ ಹಾಲು ಕುಡಿದಿದ್ದೇವೆ ವಾಡಿಕೆಯಂತೆ’,… ಈ ಸಾಲು ನಗು ತರಿಸಿತು 🙂 .. ಗಝಲ್ ಇಷ್ಟವಾಯಿತು.

  7. Shankari Sharma says:

    ಅಪರೂಪದ ಚಂದದ ಗಝಲ್.

  8. ಶಿವಮೂರ್ತಿ.ಹೆಚ್. says:

    ಗಜಲ್ ಸೊಗಸಾಗಿದೆ ಸರ್

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: