ಚಹ

ಚಹ ಎನ್ನುವುದು ಬರೀ ಒಂದು

ಹೆಸರಂತು ಅಲ್ಲವೇ ಅಲ್ಲ

ಏನೋ ಒಂದು ಆತ್ಮೀಯತೆಯ ಪ್ರತೀಕ

ಮನಸ್ಸಿನ ಪ್ರಫುಲ್ಲತೆಯ ಸಂಕೇತ

.
ಮನೆಗೆ ಬಂದ ನೆಂಟರಿಷ್ಟರಿಗೆ

ಈ ಚಹ ಒಂದೇ ಮನದ

ಬೀಗ ತೆಗೆಯಲು ಇರುವ ಕೀಲಿ ಕೈ

.
ಒಗರು ಈ ಚಹದ ಪುಡಿ

ತನ್ನ ಒಗರೆಲ್ಲ ಕುದಿಸಿ

ಸಿಹಿಯಾದ ಸಕ್ಕರೆ ಜೊತೆ ಬೆರೆತು

ಹದವಾದ ರುಚಿ ಹೊಂದಿ

ಸಂಬಂಧಗಳ ಮಾದಕತೆ ತೋರುವ

ಚೆಲುವು ಬಣ್ಣದ ಬೆರಗು ಈ ಚಹಾಕ್ಕೆ

.
ಹಗೆತನವಿದ್ದವರು ಎದಿರು- ಬದಿರ

ಕುಳಿತು ಈ ಚಹವ ಹೀರುತ್ತಿದ್ದರೆ

ಹಬೆಯಲ್ಲೇ ಹಗೆಯು ಆವಿಯಾಗಿ

ಬಿಸಿಯಾದ ಚಹ ಗಂಟಲೊಳಗಿಂದ

ಹೊಕ್ಕಳ ಸೇರಿತೆಂದರೆ, ಎಲ್ಲರೂ

ತನ್ನ ಹೊಕ್ಕಳ ಸಂಬಂಧಿಗಳೇ

ಆಗಿಬಿಡುವರು ಈ ಚಹದ ಮೋಡಿಗೆ

-ಬೀನಾ ಶಿವಪ್ರಸಾದ
.