ಮೆಟ್ಟಿಲು

ಓ ಮಾತನಾಡದ
ಮುದ್ದಿನ ಗಿಣಿಯೇ,

ನೋಡು…

ಅದೆಷ್ಟು ಮೆಟ್ಟಿಲುಗಳಿವೆ

ಆಕಾಶಕ್ಕೆ!

ಏರಬೇಕಲ್ಲವೆ ನೀನು

ಆ ಅಂಬರದ ಬೆರಗಿಗೆ?

ಜೋಕೆ!

ಉಸಿರು ಕಟ್ಟಿಸುವ ಗಾಳಿ,

ಸಂದು, ಸಡಿಲಗಳಿಗೆ

ಸತತ ಗಮನವಿಡುತ್ತಿರಲಿ

ನಿನ್ನ ಪುಟ್ಟ ಪುಟ್ಟ ಹೆಜ್ಜೆ!

.
ನಿನ್ನ ಚಂಚಲ ಅಲೆಮನವನ್ನು ಹಿಡಿತದಲ್ಲಿಟ್ಟುಕೋ

ಕಂಡೀತು ಸ್ಪಷ್ಟ,

ತಾರೆ ತಾರೆಯ ಮಿರುಗು!

.
ಗೆದ್ದೆ ಎಂದಾದಲ್ಲಿ, ಕೆಳಗೆ

ದೃಷ್ಟಿ ಹಾಯಿಸಬೇಡ!

ನೀ ಏರಿದ ಮೆಟ್ಟಿಲುಗಳು,

ಕಂಡರೂ

ನಿಜವಾಗಿ ಅಲ್ಲಿಲ್ಲ!

ಅದು ಕೇವಲ ಭ್ರಮೆಯಷ್ಟೆ!

ನೀ ದಾಟಿದುದೂ ಅದನ್ನೇ!

ತರ್ಕ, ವಾದಕ್ಕೆ ಆಸ್ಪದವೇಕೆ?

.
ಸುಮ್ಮನೆ ಸ್ವಚ್ಛಂದ ಹಾರಿಕೊ, ಆನಂದದಿಂದ,

ಪರಮಾನಂದದಿಂದ!

-ಕೆ.ಆರ್.ಎಸ್.ಮೂರ್ತಿ