ನಮೋ ಯಕ್ಷಸಾರ್ವಭೌಮ

Spread the love
Share Button

 

ಅಕ್ಷರದಿ ಸಲ್ಲಿಸುವೆ ನಮನ
ಯಕ್ಷರಂಗದ ಸಾರ್ವಭೌಮ
ನಿನಗಿದೋ ಎನ್ನ ಪ್ರಣಾಮ
ಯಕ್ಷಗಾನಲೋಕದ ಇಂದ್ರ
ಚಿಟ್ಟಾಣಿ ಹೆಗಡೆ ರಾಮಚಂದ್ರ

ಅಗಲಿದರೂ ನಮ್ಮನು
ಅಜರಾಮರ ನೀನು
ಅಚ್ಚೊತ್ತಿದ್ದೆ ಇಂದಲ್ಲ
ಅಂದು ಹದಿನಾಲ್ಕರ
ಅದ್ದೂರಿ ಪ್ರವೇಶದಲ್ಲೇ

ಹೊನ್ನಾವರ ಹೊಸಕುಳಿ
ಊರಿಗೆ ಇಟ್ಟು ಕಚಗುಳಿ
ಹೊರಟನು ಚಿಟ್ಟಾಣಿ ಮಾಣಿ
ಏರಿದ ಯಕ್ಷಬಾನಂಗಳದೇಣಿ

ಕಡತೋಕದ ಆ ಧೀರೆ ಸುಶೀಲೆ
ಕರಹಿಡಿದ ಅಗುತ ಅನುಕೂಲೆ
ಪ್ರಭಾವ ಬೀರಿ ಮಕ್ಕಳ ಮೇಲೆ
ಧರಿಸಿದರು ಪುತ್ರರೂ ಯಕ್ಷಮಾಲೆ

ನಾಟ್ಯಪ್ರಧಾನದ ಬಡಗಿಗೆ
ಚಿಟ್ಟಾಣಿ ಹೆಜ್ಜೆಯ ಬೆಡಗು
ಸೆಳೆದೆಳೆವ ನೃತ್ಯದ ಮೆರುಗು
ಮೋಡಿಗೆ ಯಕ್ಷಯೋಕ ಬೆರಗು

ಪುಂಡ ಪೋಕರಿ ಪೋರ
ಸಜ್ಜನ ದುರ್ಜನ ಶೂರ
ಸುರಾಸುರ ಭಸ್ಮಾಸುರ
ವೈಭವ ನೋಟ ಭರಪೂರ

ಸಾಧಿಸಿ ಹತ್ತು ಹಲವು
ದಕ್ಕಿಸಿದ ಜನರೊಲವು
ಪ್ರಯೋಗವು ಕೆಲವು
ಒಲಿಯಿತಲ್ಲಿ ಗೆಲುವು

ಮತ್ತೆ ಅವತರಿಸಿ ಹರಸು
ಅಲ್ಲಿಯೂ ಕಲೆ ಬೆಳೆಸು
ನೃತ್ಯಮಳೆಯನೇ ಸುರಿಸು
ಯಕ್ಷನಾಟ್ಯವ ನೀ ಕಲಿಸು

ಅಸಂಖ್ಯಾತರ ಎದುರೊಳು
ಅಭಿಮಾನಿಗಳೊಳಗಿಳಿದೇ
ಅಚ್ಚುಮೆಚ್ಚಿನಲಿ ಭಾವ ಮೆರೆದೆ
ಅಳಿಸಲಾಗದು ಆ ಯಕ್ಷ ಹೆಜ್ಜೆ
ಅರೆಕ್ಷಣವೂ ಮರೆಯದ ಗೆಜ್ಜೆ

 – ಗಣೇಶಪ್ರಸಾದ ಪಾಂಡೇಲು 

2 Responses

  1. Shruthi Sharma says:

    ಯಕ್ಷ ಸಾರ್ವಭೌಮ ಮತ್ತೆ ಹುಟ್ಟಿ ಬರಲಿ

  2. Pallavi Bhat says:

    ಯಕ್ಷಲೋಕದ ಮೇರುಕಲಾವಿದರಿಗೊಂದು ನಮನ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: