ಭಾವ ಸಾಗರದಲಿ… …

Spread the love
Share Button

ಭಾವ ಸಾಗರದಲಿ
ಅರಳಿದ ತಾವರೆ
ಪ್ರೀತಿ ಅದರ ಹೆಸರು
ಹನಿ ಹನಿ ನಗೆಯ
ಬೆಳದಿಂಗಳ ಶಶಿ
ಒಲವೇ ಅದರ ಉಸಿರು

ಮಣ್ಣ ವಾಸನೆಯಲಿ
ಕಲಸಿದ ನೆನಪುಗಳು
ಇಳೆಯ ಬಿರಿದು ಮೊಳಕೆ
ಹಸಿರ ಮರೆಯಲ್ಲಿ
ನಾಚಿದ ಮಲ್ಲಿಗೆ
ಬೇರೆ ಹೆಸರು ಬೇಕೆ

ಕಡಲ ನೊರೆಯೊಡನೆ
ನಕ್ಕ ಕನಸುಗಳು
ಮೀಟಿ ಎದೆಯ ತಂತು
ಮುಗಿಲ ಮೋಡಗಳ
ಮೆತ್ನೆ ಹಾಸಿಗೆ
ಹಗಲು ಜ್ವರವ ತಂತು

ಕಾಡು ಕತ್ತಲೆಗೆ
ಮತ್ತು ಏರಿಸಿದ
ರಾತ್ರಿ ರಾಣಿ ಕಂಪು
ಸುಳಿವ ಗಾಳಿಗೆ
ಒಲವು ಸವರಿದ
ಹಕ್ಕಿ ಕೊರಳ ಇಂಪು.

– ಉಮೇಶ ಮುಂಡಳ್ಳಿ

1 Response

  1. Niharika Rao says:

    ಕವನ ಸೊಗಸಾಗಿದೆ ..

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: