ಮನುಜ ದೀಪ
ಅಮ್ಮ ಹಚ್ಚಿದೊಂದು ಹಣತೆ
ಅಪ್ಪ ತಂದನದಕೊಂದು ಘನತೆ
ಮಗುವೆಂಬ ಮನುಜ ದೀಪ
ಬೆಳಗುತಿಹುದು ನಗುವ ಬೀರಿ
ಹೆತ್ತವರ ಕನಸಿನ ಆಶಾಕಿರಣ
ಬಡತನದಲೂ ಬದುಕೋ ಪ್ರೇರಣ
ಭವಿಷ್ಯ ಕಟ್ಟಿಕೊಳ್ಳಲೊಂದವಕಾಶ
ಮಗುವು ನೀಡಿತವರಿಗೆ ಸುಖಸಂತಸ
ಎಲ್ಲ ನೋವುಗಳ ಮರೆತು
ಮಗುವಿನೊಂದಿಗೆ ಮಗುವಾಗಿ ಬೆರೆತು
ಬೇಕು ಬೇಡಗಳ ಪೂರೈಸಿ
ಸಂಭ್ರಮಿಸಿತು ಆ ಹೆತ್ತವರ ಮನಸ್ಸು
ಸಂಸಾರದಿ ಸಂಸ್ಕಾರವನಿತ್ತು
ತಾವೆಣ್ಣೆ ಬತ್ತಿಯಾಗಿ ಸುತ್ತಿಕೊಂಡು
ಹೆಣ್ಣೆಂಬ ದೀಪವನು ಹಚ್ಚಿದರು
ಮಗಳೆಂಬ ಜ್ಯೋತಿ ಬೆಳಗಿದರು
ಸಂಪ್ರದಾಯದ ತಿಮಿರ ಕಳೆದು
ಸಮತೆಯ ಹಣತೆಯಾಗಿ ಉರಿದು
ಸಮರ್ಥ ಬದುಕ ಕಟ್ಟಿದಳು
ಹೆತ್ತವರಿಗೆ ಹೆಮ್ಮೆ ತಂದ ಮಗಳು
– ಅಮುಭಾವಜೀವಿ
