ಸುಮಗಳು ನಾವೀ ಸುರನಂದನದ

ಅಂದದ ಬಣ್ಣದ ರೂಪವು ನಮ್ಮದು
ವಿಧ ವೈವಿಧ್ಯದ ಅಡುಗೆ ತೊಡುಗೆ
ಆದರು ಜೊತೆಯಲಿ ನಾವೆಲ್ಲ
ಈ ಬನದ ಸುಂದರ ಪುಷ್ಪಗಳು
ಇರುವನು ಒಬ್ಬನೆ ಮಾಲಿಕ ಮೇಲೆ
ಇರುವೆವು ಒಂದೆ ಬಾನಿನ ಕೆಳಗೆ
ಸುಮಗಳು ನಾವೀ ಸುರನಂದನದ ||೨||

ಒಬ್ಬನೆ ದಿನಕರ ಅವನದೆ ಕಿರಣ
ನಗುತಲಿ ಬಿರಿವೆವು ನಾವೆಲ್ಲ
ಒಬ್ಬನೆ ಚಂದಿರ ಅವನದೆ ತಿಂಗಳು
ಎಲ್ಲರು ಅದರಲೆ ಮಿಂದಿಹೆವು
ದುಂಬಿಯ ನಾದದೆ ದೊರೆತಿದೆ
ಒಂದೇ ಶ್ರುತಿಸ್ವರ ನಮಗೆಲ್ಲ
ಸುಮಗಳು ನಾವೀ ಸುರನಂದನದ ||೩||

ಕಲ್ಲು-ಮುಳ್ಳುಗಳ ನಡುವೆಯೆ ನಾವು
ಕಲಿತೆವು ಬಾಳಲು ನಗುನಗುತ
ಒಂದೆ ಸೂತ್ರದಿ ಬಂಧಿತರಾಗಿ
ಆದೆವು ಅಮ್ಮಗೆ ಪ್ರೀತಿಯ ಹಾರ
ಎಲ್ಲರಿಗಾಗಿಯೆ ಸುಗಂಧವ ಬೀರುವ
ಬಡವ-ಬಲ್ಲಿದ ಮುಕುಟಮಣಿ
ಸುಮಗಳು ನಾವೀ ಸುರನಂದನದ ||೪||

– ಕಾಕುಂಜೆ ಕೇಶವ ಭಟ್ಟ