ಕಣ್ಣ ಹಾಯಿಸುತೊಮ್ಮೆ ನಮ್ಮ ಕಡೆಗೂ ನೋಡಿ
ಸುಣ್ಣದಂತಿಲ್ಲ ನಾವ್ ನಮ್ಮ ತಪ್ಪೇ ?
ಬೆಣ್ಣೆಯಂತೆಯೆ ಮೆದುವು ಹೋಗದಿರಿ ನೀವೋಡಿ
ಬಣ್ಣ ಕಪ್ಪಾದರೇನ್ ಹಾಲು ಕಪ್ಪೇ ?
ಮಂದ ಹಾಲೆಂದು ಮೊದ್ದೆಂದು ಜರಿವರ ಬಿಟ್ಟ-
ದೊಮ್ಮೆ ನಮ್ಮನು ನೀವು ಕೇಳಿ ನೋಡಿ.
ಮಂದವೆಂದರೆ ಗಟ್ಟಿಯೆಂಬುದೊಂದೆ ಯಥಾರ್ಥ
ಎಮ್ಮೆ ಹಾಲ್ ಕುಡಿ ಬಹುದು ಕಸುವು ಕೂಡಿ.
ಗಟ್ಟಿ ಚಾಯವು ಕಾಫಿ ಮಂದನೆಯ ಹಾಲಿನಲಿ
ಎನಿತು ಸ್ವಾದಿಷ್ಟವದು ನೆನೆಸಿ ಆಹಾ !
ಬಟ್ಟು ಕವಡೆಯ ಮೊಸರು ಬೆಣ್ಣೆ ಮಜ್ಜಿಗೆ ತುಪ್ಪ
ದಿನ ಬೆಳಗು ಮಧ್ಯಾಹ್ನ ರಾತ್ರಿ ಸ್ವಾಹಾ ! !
– ಮೋಹಿನಿ ದಾಮ್ಲೆ (ಭಾವನಾ)
ನಿಜ .. ಚೆನ್ನಾಗಿ ಮೂಡಿಬಂದಿದೆ.. 🙂