ತಾಯೊಡಲು
ತಾಯ ಒಡಲೊಳಗಿಂದ
ಮಡಿಲೊಳಾಡೊ ಕಂದ
ಅಮ್ಮ ಎಂಬೊಂದು ಮಾತಿಂದ
ತಾಯಿಗೆ ಜಗದಾನಂದ
ಹಡೆದ ನೋವೆಲ್ಲಾ
ಕಂದನ ನಗುವಿಂದ ಮಾಯ
ಮಗುವ ಮುಖ ನೋಡುತಲೆ
ಕಳೆವಳಮ್ಮ ತನ್ನೆಲ್ಲಾ ಸಮಯ
ಅಳುವ ಕಂದನ ಕೂಗಿಗೆ
ಎದೆಯಾಲುಕ್ಕುವುದು ಆ ಘಳಿಗೆ
ಹಾಲ ಕುಡಿದು ಮಲಗೊ ಕಂದ
ನೋಡಿ ಸವಿಯಬೇಕು ಆ ಆನಂದ
ಜಗದ ಈ ಸೃಷ್ಟಿಯ ಹಿಂದೆ
ಎಂಥ ಉದ್ದೇಶವಿದೆಯೋ ಮುಂದೆ
ತಾಯಿ ಮಗುವ ಈ ಸಂಬಂಧ
ಜನುಮಾಂತರದ ಅನುಬಂಧ
ತಾಯೊಲವು ಪಡೆದ ಜಗವು
ನಿಜವಾಗಲೂ ಧನ್ಯ
ಜಗಕಾ ಸುಖವಿತ್ತ
ತಾಯೇ ನೀ ಲೋಕಮಾನ್ಯ
ಹೆಣ್ಣೇ ನಿನ್ನೀ ತ್ಯಾಗದ ಮುಂದೆ
ಆ ದೇವರೂ ಕೂಡ ಸಣ್ಣವನು
ಒಂದೇ ಒಂದು ಜನ್ಮ ಸಾಲದು
ತೀರಿಸಲು ನಿನ್ನೀ ಋಣವನು.
-ಅಮು ಭಾವಜೀವಿ
