ಹೆಣ್ಣೆಂಬ ಹಣೆಪಟ್ಟಿ ಹೊತ್ತು..

Spread the love
Share Button

Amu Bhavajeevi- Appaji A Musturu

ಯಾರಿಗೂ ಬೇಕಿಲ್ಲದವಳು
ಎಲ್ಲರಿಗೂ ಬೇಕಾದವಳು
ಗಂಡಿನ ವ್ಯಾಮೋಹದಲ್ಲಿ
ಗರ್ಭದಲ್ಲೇ ಅಸುನೀಗುವವಳು

ಹೆಣ್ಣೆಂಬ ಹಣೆಪಟ್ಟಿ ಹೊತ್ತು
ಆಗಿಹೆ ಅತ್ಯಾಚಾರಿಯ ಸುಲಭದ ತುತ್ತು
ಅಬಲೆಯೆಂಬುದೇ ಆಪತ್ತು
ಸಬಲೆಯಾಗಿ ತೋರಿದ್ದರೂ ತಾಕತ್ತು

ತಾಯಿ ಸೋದರಿ ಮಗಳು ಮಡದಿ
ಸ್ನೇಹಿತೆ ಎಷ್ಟೊಂದು ಪಾತ್ರ ನನ್ನದು
ಶೋಷಣೆಯ ಮೊದಲ ಗುರಿ
ವರದಕ್ಷಿಣೆಯ ಅಂತಿಮ ಬಲಿ ನನ್ನದು

ಕಾಮದಾಟಕೆ ಮೈಮಾರಿ
ಪ್ರೇಮಕೂಟಕೆ ನಾನಾಗಿ ಮಾದರಿ
ಅಮ್ಮನೆಂಬ ಕೋಟೆಯೊಳಗೆ
ಜಗವ ಸಲಹೋ ದೈವಸ್ವರೂಪಳು

ಆಧುನಿಕತೆಯ ಎಲ್ಲ ಮಜಲುಗಳಲಿ
ಛಾಪನ್ನೊತ್ತಿದ ಛಲಗಾತಿಯಾದರೂ
ಸಂಸಾರದ ಬೆನ್ನೆಲುಬಾದರೂ
ಸಂಪತ್ತಾಗಿ ಪರಿಗಣಿಸಿಬಿಟ್ಟರು

ಬೆಲೆ ಕೊಡಲಿಲ್ಲ ನನ್ನ ಬಯಕೆಗೆ
ಆಸರೆಯಾಗಲಿಲ್ಲ ನನ್ನ ಸಾಧನೆಗೆ
ಎಲ್ಲರ ಕೆಂಗಣ್ಣಿಗೆ ಸುಟ್ಟು ಹೋದೆ
ಆದರೂ ಎಲ್ಲರ ಬಾಳ ಬೆಳಗಿದೆ

woman art

 – ಅಮುಭಾವಜೀವಿ

 

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: