1
ಚಿಟ್ಟೆಯೊಂದು ಹೂವುಗಳ ಹೊದ್ದು
ನಲಿಯುತ್ತಿದೆ
ದೊಡ್ಡ ಜಾತ್ರೆಯಲ್ಲಿ
ಹೂವಿನ ಚಿತ್ತಾರದ ಉಡುಗೆಯ
ಉತ್ಸಾಹದ ಹುಡುಗಿ
2
ಹಸಿರು ಚಿಗುರು
ಹೂವ ಕಂಪುಗಳ ನಡುವೆ
ಕುಹು ಕುಹೂ ದನಿಯಿದೆ
ಮಾವಿನ ಮರದ ಚೆಲುವ
ಕೋಗಿಲೆ ಹೊಗಳುತಿರಬಹುದೇ?!
3
ಹೂವಿನಂತಿದ್ದಳು ಹುಡುಗಿ
ಇದ್ದಕ್ಕಿದ್ದಂತೆಯೇ
ರೆಕ್ಕೆಗಳ ಕಟ್ಟಿಕೊಂಡು
ಚಿಟ್ಟೆಯಾದಳು
ಹಾರಿ ಹೋದಳು
4
ನನ್ನ ಸಾವಿನ ನಂತರ
ನೀನು ಬಂದು
ನನ್ನ ಸಮಾಧಿಯ ಮೇಲೊಂದು
ಹೂವಿಟ್ಟರು ಸಾಕು
ನನ್ನಾತ್ಮ ಸೀದಾ ಸ್ವರ್ಗಕ್ಕೆ!
5
ನೀನು ಹೋದ ಮೇಲೆ
ಈ ಗಿಡದ ಹೂವುಗಳು
ಸುಮ್ಮನೆ ಅರಳಿ ಉದುರುತ್ತಿವೆ
6
ಎಷ್ಟೊಂದು ಹೂವುಗಳ
ಬಣ್ಣ ಮೆತ್ತಿಕೊಂಡಿದೆ
ಈ ಚಿಟ್ಟೆಯ ರೆಕ್ಕೆಗಳಿಗೆ
–ನವೀನ್ ಮಧುಗಿರಿ
Beautiful
ಹೂಗುಚ್ಚಗಳ ಕವನ. ..ಚೆನ್ನಾಗಿ ಮೂಡಿಬಂದಿದೆ..
ಧನ್ಯವಾದಗಳು ಸಾರ್.
ಸೂರ್ಯಕಾಂತಿಯ ಚಂದದ ಹೂಗುಚ್ಛ
2nd, 3rd, 4th and 5th one are meaningful !
Very Nice