ಹೂಗವಿತೆಗಳು-ಗುಚ್ಛ 4

Spread the love
Share Button

1
ಹಿತ್ತಲಲ್ಲಿ ಹೂ ಅರಳಿವೆ
ಕಣ್ಣಿಗೆ ಕಾಣದ ಗಾಳಿ
ಕಣ್ಣಿಗೆ ಕಾಣದ
ಸಾಕ್ಷಿ ತಂದಿದೆ

2
ಹಾರಲಾರದ ಚಿಟ್ಟೆ
ಬಾಡಲಾರದ ಹೂವು
ರೆಕ್ಕೆ ಒಣಗಿಸುತ್ತಿವೆ
ಅಮ್ಮ ಶುಭ್ರ ಮಾಡಿರುವಳು
ಕೂಸಿನ ಬಟ್ಟೆ

3
ಅಗೋ ಹೊರಟಿದ್ದಾನೆ ನೇಸರ
ಪಶ್ಚಿಮದ ಕಡೆ
ಸೂರ್ಯಕಾಂತಿಯ ಹೊಲ
ಕತ್ತು ತಿರುಗಿಸುತ್ತಿದೆ ಮೆಲ್ಲನೆ!

4
ಆಹಾ! ಎಷ್ಟು ಚೆಂದ
ಈ ಕೊಳದ ಹೊಕ್ಕಳು
ಹುಣ್ಣಿಮೆಯ ರಾತ್ರಿಯಲ್ಲಿ ಅರಳುತಿದೆ
ನಸುಗೆಂಪು ಬಣ್ಣದ ತಾವರೆ ಹೂವು
5
ಹೂ ಕಿತ್ತ ಗಿಡ
ಮತ್ತೆ ಚಿಗುರುತ್ತದೆ
ಗಾಯವನ್ನು ವಾಸಿ ಮಾಡಿಕೊಳ್ಳಲು

6
ಹೂ ಮುಡಿದವಳಿಗೆ ಗೊತ್ತಿಲ್ಲ
ಹೂವು ಮುಡಿದಿದೆ
ಬಣ್ಣ, ಪರಿಮಳ

–ನವೀನ್ ಮಧುಗಿರಿ

5 Responses

  1. ನಯನ ಬಜಕೂಡ್ಲು says:

    ಚಂದದ ಹನಿಗವನಗಳು

  2. ಸೂಪರ್ ಸಾರ್… ಮುದ ಕೊಡುವ ಹನಿಗವನಗಳು.

  3. ಕವನ ಬರೆದವರಿಗೆ ಗೊತ್ತಿಲ್ಲ
    ಕವನ ನೀಡಿದೆ ನೆಮ್ಮದಿ ತೃಪ್ತಿ ಓದುಗರಿಗೆ
    ವಂದನೆಗಳು

  4. . ಶಂಕರಿ ಶರ್ಮ says:

    ಸೊಗಸಾದ ಕವನ ಗುಚ್ಛ

  5. B C Narayana murthy says:

    ಸೊಗಸಾಗಿದೆ

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: