ಈ ರೆಸ್ಟೋರೆಂಟಿನಲ್ಲಿ ಕ್ಲೀನರ್ ಹುಡುಗ
ಟೇಬಲ್ ಸ್ವಚ್ಛಗೊಳಿಸಿದ ನಂತರ
ಹಲವು ಕಲೆ ಪಾತ್ರೆಗಳ ನಡುವೆ ಸಿಲುಕಿ
ಜೊತೆಯಾಗಿ ನಾವು ಐಸ್ ಕ್ರೀಮ್ ತಿಂದ
ಜೋಡಿ ಸ್ಪೂನುಗಳು ಸಹ
ಬೇರೆ ಬೇರೆಯಾಗಬಹುದು
ನಮ್ಮಂತೆ
ಈ ಕ್ಷಣ ಜೊತೆಗಿದ್ದು
ಸಂಜೆಗೆ ನಾವಿಬ್ಬರು ಇರುತ್ತೇವಲ್ಲ
ಹಾಗೇ ದೂರ ದೂರದಲ್ಲೇ..
ಮತ್ತೆಂದೋ ಆ ಸ್ಪೂನುಗಳು
ಮತ್ತೊಂದು ಜೋಡಿಯ
ಐಸ್ ಕ್ರೀಮ್ ಕಪ್ಪಿನೊಳಗೆ
ಒಂದಾಗಬಹುದು ಮತ್ತೆ
ನಮ್ಮಿಬ್ಬರ ಮತ್ತೊಂದು ಭೇಟಿಯಂತೆ
– ನವೀನ್ ಮಧುಗಿರಿ
ಮಾರ್ಮಿಕವಾದ…ಅರ್ಥವನ್ನು ಕವನದಲ್ಲಿ… ಹುದುಗಿಟ್ಟಿರುವ ರೀತಿ… ತುಂಬಾ ಚೆನ್ನಾಗಿ ದೆ ಸಾರ್..
ಅಭಿನಂದನೆಗಳು.
.
ಚೆನ್ನಾಗಿದೆ
Beautiful poem,
ವಿಶೇಷ ಅರ್ಥವನ್ನು ಹೊತ್ತ ಭಾವಪೂರ್ಣ ಕವನ.
ಅದೇ ಶಂಕರಿ ಶರ್ಮ ಹೇಳಿದ್ದು ಸರಿ.
ತುಂಬಾ ಒಳ್ಳೆಯ ಕವನ.