ಕಪ್ಪು

Spread the love
Share Button

ಕಪ್ಪು ಮೋಡಗಳು
ಕರಗುತ ಬರುತಿವೆ
ತಂಪನೆರೆಯಲು ಧಾರುಣಿಗೆ

ಕಪ್ಪು ಮಣ್ಣು
ಬೆಳೆಸಿ ಕೊಡುತಿವೆ
ಗಿಡಗಳ ತುಂಬಾ ಬಿಳಿ ಅರಳೆ

ಕಪ್ಪು ಕೋಗಿಲೆಯ
ಇಂಪಿನ ಕಂಠ
ಹೃದಯಕೆ ಹರಿಸಿದೆ ರಾಗ ಸುಧೆ

ಕಪ್ಪು ಕಣ್ಣಿಗೆ
ಕಾಡಿಗೆ ತೀಡೆ
ಮಿನುಗುವ ಮಾಯೆ ಅಚ್ಚರಿಯೆ

ಕಪ್ಪು ಹೊಗೆಯಲಿ
ದೊಡ್ಡ ಕಾರ್ಖಾನೆ
ಮಿತಿಯೆ ಇರದು ಉತ್ಪಾದನೆಗೆ

ಕಪ್ಪಿನ ಬೆವರು,
ಲೇಖನಿ ಮಸಿಯು
ಬರೆದಿದೆ ಭವಿತ ಮನುಜನಿಗೆ

ಸುಡುವ ಬುಡದಲಿ
ಕಪ್ಪು ಪವಡಿಸಿದೆ
ಬೆಳಕ ನಂದಿಸದೆ ಉರಿಸುತಿದೆ

ಕಪ್ಪಿನ ಉದರದೆ
ಹುಟ್ಟಿನ ಆಟ
ಉಸಿರು ಚಿಗುರಿದೆ ವಿಸ್ಮಯದೆ

ಆದಿಯಿಂದಲೂ
ಬೆಳಕು ಚೆಲ್ಲಿದರು
ಕಪ್ಪಿಗೆ ಆಟ ಕಣ್ಣುಮುಚ್ಚಾಲೆ!

-ಅನಂತ ರಮೇಶ್

9 Responses

  1. ನಯನ ಬಜಕೂಡ್ಲು says:

    ಚೆನ್ನಾಗಿದೆ ಕವನ.

  2. B c n murthy says:

    ಕಪ್ಪು ಕಸ್ತೂರಿ ಕವನ ಚೆನ್ನಾಗಿದೆ ಸಾರ್

  3. ನಾಗರತ್ನ ಬಿ. ಅರ್. says:

    ವಾವ್ ಕವಿತೆಯ ವಿಶ್ಲೀಷಣೆ… ಸೊಗಸಾಗಿ ಮೂಡಿಬಂದಿದೆ ಸಾರ್.

  4. . ಶಂಕರಿ ಶರ್ಮ says:

    ಕಪ್ಪು ಕಪ್ಪೆಂದು ಹೀಗಳೆಯಬೇಡಿ ಹುಚ್ಚಪ್ಪಗಳಿರಾ… ಅದರಿಂದಲೇ ಆವಿರ್ಭವಿಸಿದ ಸುಂದರತೆಯನ್ನು ನೋಡಿದಿರಾ ??.. ಎನ್ನುತ್ತಿದೆ ಈ ಸುಂದರ ಕವನ.

  5. Padma Anand says:

    ಕಪ್ಪು ಬಣ್ಣದ ಮೇಲೆ ಬೆಳಕ ಚೆಲ್ಲುವ ಸುಂದರ ಕವಿತೆಗಾಗಿ ಅಭಿನಂದನೆಗಳು ತಮಗೆ.

Leave a Reply to Padma Anand Cancel reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: