ಶಾಲಾ ಪ್ರಾರಂಭೋತ್ಸವ

Spread the love
Share Button

ಬನ್ನಿ ಬನ್ನಿ ಶಾಲೆಗೆ
ಶಾಲೆಯಿಂದು ತೆರೆಯಿತು
ತನ್ನಿ ನಿಮ್ಮ ಹೊತ್ತಿಗೆ
ಕಾಲಿ ಹಾಳೆ ಬರೆಸಿತು

ಭಯದ ನೆರಳು ಓಡಿಸಿ
ನಕ್ಕು ನಲಿದು ಬೆರೆಯಿರಿ
ಜಯದ ನಗುವ ತೋರಿಸಿ
ಲೆಕ್ಕ ಮಾಡಿ ನಲಿಯಿರಿ

ಮೋಜು ಮಸ್ತಿ ಬೇಡವೊ
ಪಾಠವನ್ನು ಕೇಳಿರೊ
ಬೀಜದಲ್ಲಿ ಮೊಳಕೆಯೊ
ತೋಟದಂತೆ ಕಾಣಿರೊ

ಆಟಪಾಠ ಜೊತೆಯಲ್ಲಿ
ಓದು ಬರಹ ಸಾಗಲಿ
ನೋಟವೆಲ್ಲ ಹೊತ್ತಿಗೆಲಿ
ಕಾದು ನೋಡಿ ಹರ್ಷದಲಿ

ಆಟವಾಡೊ ಮೈದಾನ
ತುಂಬಿ ತುಳುಕೊ ಕಾರಂಜಿ
ಪಾಠ ಮಾಡೊ ಕೋಣೆಯು
ದುಂಬಿಯಂತೆ ಅಪರಂಜಿ

ಮಣ್ಣಿನಲ್ಲಿ ಹುದುಗಿರುವ
ಗುಣದ ಕಲಿಕೆ ಶಾಲೆಯಲಿ
ಕಣ್ಣು ಬಯಸೊ ತಾಣವ
ಕಾಣಬಹುದು ಕೋಶದಲಿ

ಕಲೆಗೆ ಬೆಲೆಯು ನಮಗಿಲ್ಲಿ
ತೋರುತಿರುವ ಗುರುಗಳು
ಮಳೆಯು ನೀಡೊ ಫಲವಿಲ್ಲಿ
ಬೇರು ಸಹಿತ ಪಾಠಗಳು

-ಮಧುಮತಿ (ಮಲ್ಲಮ್ಮ ) ರಮೇಶ್ ಪಾಟೀಲ್

10 Responses

  1. ನಯನ ಬಜಕೂಡ್ಲು says:

    Very nice. ಮೇಡಂ ನೀವು ಶಾಲೆ ಪ್ರಾರಂಭಿಸೋ ಮಾತನ್ನಾದರೂ ಆಡ್ತೀರ, ಆದರೆ ಇಲ್ಲಿ ಕೇರಳದಲ್ಲಿ ಆ ಯೋಚನೆಯನ್ನೂ ಮಾಡ್ತಿಲ್ಲ ಯಾರೂ

  2. ನಾಗರತ್ನ ಬಿ.ಆರ್ says:

    ಸರಳ ಸುಂದರ ಕವನ ಚೆನ್ನಾಗಿದೆ ಮೇಡಂ

  3. Anonymous says:

    SUPER MEDEM

  4. Vathsala says:

    ಮಕ್ಕಳ ವಿಕಾಸಕ್ಕೆ ಶಾಲೆಗಳ ಅವಶ್ಯಕತೆ ಹಿರಿದು ಎಂದು
    ಬಿಂಬಿಸಿರುವ ಕವನ ಸೊಗಸಾಗಿದೆ.

  5. padmini says:

    ನೀವು ಹೇಳುವ “ಮಳೆಯು ನೀಡುವ ಫಲ”ದಂತಹ ಶಾಲೆ ಖಂಡಿತವಾಗಿ ಆರಂಭಗೊಳ್ಳಲೇ ಬೇಕು.

  6. Padma Anand says:

    ಚೈತನ್ಯದ ಚಿಲುಮೆಗಳಾದ ಮಕ್ಕಳು ಆಡಿಪಾಡಿ ನಲಿವ ಅಂಗಳವಾದ ಶಾಲೆ ಬೇಗ ತೆರೆದು ಮಕ್ಕಳೆಲ್ಲ ನಲಿದಾಡುವಂತಾಗಲಿ. ಸುಂದರ ಕವನ.

  7. ತಿಪ್ಪೇಸ್ವಾಮಿ ಚಕ್ಡಿ says:

    ಪಕ್ಕ ಶಾಲಾ ದಿನಗಳ ನೆನಪು
    ಸುಂದರ ಕವನ

  8. ಶಂಕರಿ ಶರ್ಮ says:

    ಸೊಗಸಾದ, ಭಾವಪೂರ್ಣ, ಸರಳ ಸುಂದರ ಶಿಶುಗೀತೆ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: