ಆಡುವ ಬಾಯಿಗಳಿಗೆ ಅಂಜದೇ
ಕೆಡಿಸುವ ಕೈಗಳಿಗೆ ಸೋಲದೇ
ನೋಡುವ ಕಂಗಳಿಗೆ ಹೆದರದೇ
ದೂಡಬೇಕು ಬಾಳಿನ ಬಂಡಿ.
ಒಡಲ ಹಸಿವನು ನೀಗಿಸಲು
ಉಡಲು ಬಟ್ಟೆ ಸಂಪಾದಿಸಲು
ಕಡು ಕಷ್ಟಗಳಿಂದ ಪಾರಾಗಲು
ದೂಡಬೇಕು ಬಾಳಿನ ಬಂಡಿ.
ಮಡದಿ ಮಕ್ಕಳನು ಸಾಕಲು
ಒಡವೆ ಬಂಗಾರ ಕೂಡಿಡಲು
ಬಡತನದ ಬೇಗೆ ತಣ್ಣಿಸಲು
ದೂಡಬೇಕು ಬಾಳಿನ ಬಂಡಿ.
ಹಡೆದವರ ಹೆಸರನ್ನ ಉಳಿಸಲು
ಪಡಸಾಲೆ ಮನೆಯೊಂದ ಕಟ್ಟಲು
ಎಡವಿ ಬೀಳದಂತೆ ಮೇಲೇಳಲು
ದೂಡಬೇಕು ಬಾಳಿನ ಬಂಡಿ.
ಅಡವಿ ಸುಮಗಳಂತೆ ನಗಲು
ಜಡತ್ವ ಅಲಸ್ಯದಿ ಮುಕ್ತವಾಗಲು
ಮೃಡನಾಟದ ನಾಟಕ ಮುಗಿಸಲು
ದೂಡಬೇಕು ಬಾಳಿನ ಬಂಡಿ.
-ಶಿವಮೂರ್ತಿ.ಹೆಚ್, ದಾವಣಗೆರೆ.
ಅರ್ಥಪೂರ್ಣ ವಾದ ಕವನ ಚೆನ್ನಾಗಿದೆ ಅಭಿನಂದನೆಗಳು ಸಾರ್.
ಧನ್ಯವಾದಗಳು ಮೇಡಂ
ಪೂರ್ತಿ ಬದುಕಿನ ಉದ್ದೇಶವನ್ನು ತಿಳಿಸುವ ಕವನ.
ಧನ್ಯವಾದಗಳು ಮೇಡಂ
ಸೊಗಸಾದ ಪ್ರಾಸಬದ್ಧ ಬಾಳಕವನ.
ಧನ್ಯವಾದಗಳು ಸರ್