ವಿವೇಕಾನಂದ 

ಮನದ ಒಳಗಡೆ ಬೆಂಕಿ ಕಿಡಿ ಹೊತ್ತಿಸಿ
ಧರ್ಮಕ್ಕೆ ಹೊಸ ವ್ಯಾಖ್ಯಾನ ಬರೆದುದಾನಂದ
ಶಬ್ದಗಳನ್ನೆಲ್ಲ ಶಸ್ತ್ರವಾಗಿಸಿ
ವೀರ ಸನ್ಯಾಸಿಯಾದ ವಿವೇಕಾನಂದ॥

ಬಡವರೊಳಗಡೆ ದೇವರ ಕಂಡು
ಎಲ್ಲರಿಗೂ ಗೌರವದಾನಂದ
ಕೇಸರಿ ತೊಟ್ಟರೂ ಕ್ಷಾತ್ರ ತೇಜದ ನುಡಿಗಳು
ವೀರ ಸನ್ಯಾಸಿ ವಿವೇಕಾನಂದ ॥

ತರುಣ ಜನಾಂಗಕೆ ನಾಯಕ ಮೂರ್ತಿ
ಹೃದಯಾಂಗಣದಲಿ ತುಂಬಿದ ಅಭಯದಾನಂದ
ಸ್ಫೂರ್ತಿಯ ಸೆಲೆಯನು ಸಾಗರವಾಗಿಸಿ
ಧುಮುಕಿಸಿದೆಲ್ಲರದರಲಿ ವಿವೇಕಾನಂದ ॥

ಬದುಕಿದ ದಿನಗಳು ತುಂಬಾ ಕಡಿಮೆ
ಬದುಕಿದಷ್ಟು ದಿನ ಸಿಂಹದ ಬದುಕಿನಾನಂದ
ಸೇವೆಯೇ ಶಿವನನು ತೋರುವ ಮಾರ್ಗ
ಕೇಸರಿ ಕ್ರಾಂತಿ ವಿವೇಕಾನಂದ ॥

-ಇಂದ್ರ, ಬೆಳಗಾವಿ