ಹುಟ್ಟು ಹಬ್ಬದ ಶುಭ ಹಾರೈಕೆಗಳು ಸುರಹೊನ್ನೆ

ಆರು ವರ್ಷಗಳ ಹಿಂದೆ ಸಂಕ್ರಾಂತಿ ಶುಭದಿನದಂದು
ಅಕ್ಷರದ ಮೇಲೆ ಅಕ್ಕರೆಯುಳ್ಳವರಿಗಾಗಿ ಎಂದೇನೇ
ಪ್ರಾರಂಭವಾದ ಚಂದದ ಹೆಸರಿನ
ಹೆಮ್ಮೆಯ ಇ-ಪತ್ರಿಕೆ ‘ಸುರಹೊನ್ನೆ’
ಸೂರೆಗೊಂಡಿದೆ ಸಮಸ್ತ ಕನ್ನಡಿಗರ ಮನವನ್ನೆ.

ಉದಯೋನ್ಮುಖ ಕವಿಗಳಿಗೆ ಕತೆಗಾರರಿಗೆ ಲೇಖಕರಿಗೆ
ರೂಪಿಸಿದೆ ಇದು ಸರಿಯಾದ ವೇದಿಕೆಯನ್ನೆ
ನುರಿತ ಲೇಖಕರಾಗುವಂತೆ ಮಾಡಿ ನೀಡಿದೆ
ಅವರಿಗೆ ಸೂಕ್ತ ಪುರಸ್ಕಾರವನ್ನೆ
ಧರ್ಮ ರಾಜಕೀಯ ಮುಂತಾದ ವಿವಾದಗಳಿಂದ
ಕಾಯ್ದುಕೊಂಡಿದೆ ಇದು ಸರಿಯಾದ ಅಂತರವನ್ನೆ

ಈ(ಇ-) ಸುರಹೊನ್ನೆಯ ಒಡತಿ
ಆಗಿದ್ದಾರೆ ನಿಜವಾದ ಕನ್ನಡತಿ ಎಂಬುದರಲ್ಲಿ
ಅತಿಶಯೋಕ್ತಿ ಇಲ್ಲ ಎಂಬುದು ನಮ್ಮ ಭಾವನೆ.
ಅಲ್ಲದೆ ಸುರಹೊನ್ನೆ ಇನ್ನೂ ಹೆಚ್ಚಿನ ಯಶಸ್ಸು ಗಳಿಸಿ
ಮುಂದಕ್ಕೆ ಸಾಗಲಿ ಎಂಬುದು ಓದುಗರೆಲ್ಲರ ಶುಭಕಾಮನೆ..
‘ಹುಟ್ಟು ಹಬ್ಬದ ಶುಭ ಹಾರೈಕೆಗಳು ಸುರಹೊನ್ನೆ’

‘ಎಲ್ಲರಿಗೂ ಸಂಕ್ರಾಂತಿ ಹಬ್ಬದ ಶುಭಾಶಯಗಳು’

-ಮಾಲತೇಶ ಹುಬ್ಬಳ್ಳಿ