ಹೆಣ್ಣಿನ ಹಿರಿಮೆ

ಹೆಣ್ಣೆಂದರೆ ಹುಣ್ಣಿಮೆ ಶಶಿಯು

ಹೂಕಂಡರೆ ಚಿಮ್ಮುವ ಖುಶಿಯು

ಪ್ರಕೃತಿಯ ಸೌಂಧರ್ಯ ರಾಶಿಯು

ವಿಕೃತಿಯ ಮರ್ಧಿಸುವ ಶಕ್ತಿಯು ।।

.
ಸಹನೆಯ ಶರಧಿಯಿವಳು

ಸುಸೇವೆಯ ವಾರಿಧಿಯಿವಳು

ಸೌಂಧರ್ಯದ ಶ್ರೀನಿಧಿಯಿವಳು

ಸ್ವರ ಲೋಕದ ಸನ್ನಿಧಿಯಿವಳು।।

.
ಹೆಣ್ಣಲ್ಲವೇ ಸೃಷ್ಟಿಯ ಮೂಲ

ಸ್ತ್ರೀಯಲ್ಲವೇ ದೃಷ್ಟಿಯ ಮೂಲ

ಹೆಣ್ಣಲ್ಲವೇ ನಮ್ಮ ಹಡೆದ ತಾಯಿ

ಓ ಸ್ತ್ರೀ ನೀನೆಷ್ಟು ತ್ಯಾಗಮಯಿ..! ।।

.
ಹೆಣ್ಣುಟ್ಟಲು ಮೂಗು ಮುರಿಯಬ್ಯಾಡ

ಜಗದುಟ್ಟಿಗೆ ಕಾರಣ ಅರಿಯೋ ಮೂಢ

ಹೆಣ್ಣಲ್ಲವೇ ಶಾಂತಿಯ ಸ್ವರೂಪ

ಸ್ತ್ರೀಯಲ್ಲವೇ ಜ್ಯೋತಿಯ ರೂಪ।।

.
ಮನೆ ಬೆಳಗುವ ತಾರೆಯಿವಳು

ಮನ ಬೆಳಗುವ ನೀರೆಯಿವಳು

ಸಂಸಾರದ ರೂವಾರಿ ಯಿವಳು

ಸಂಸ್ಕಾರದ ಧಾರೆಯು ಯಿವಳು।।

.
ಸರ್ವರಂಗದಿ ದುಡಿಯುವ ಪಾತ್ರ

ಕಾಯಕ ನಿಷ್ಠಯೆ ಇವಳ ಸೂತ್ರ

ಹೆಣ್ಣಿನ ಹಿರಿಮೆ ಮೇರು ಪರ್ವತ

ಸ್ತ್ರೀ ಶಕ್ತಿಯ ತಿಳಿಯೋ ಸನ್ಮಿತ್ರ.! ।।

.
ಜಗಕೆಲ್ಲವೂ ಇವಳದೆ ಸ್ಪೂರ್ತಿ

ಮುಗಿಲಗಲವು ಇವಳದೆ ಕೀರ್ತಿ

ಇಳೆಯಲ್ಲಿಯೇ ನೀನೇ ಮಾನ್ಯ

ನೀನಿಲ್ಲದೇ ಈ ಜಗವೆ ಶೂನ್ಯ ।।
.

– ಈರಪ್ಪ ಬಿಜಲಿ

PC: ಸಾಂದರ್ಭಿಕ ಚಿತ್ರ, ಅಂತರ್ಜಾಲ ಕೃಪೆ