.
ನಿನ್ನೊಳಗಿನ ಕವಿತೆಯ ಮಾತು
ಹೃದಯ ಸೇರಿತು ಹಾಡಾಗಿ
ನಲ್ಮೆಯ ಮಾತಾಯಿತು ಪಾಡಾಗಿ
ಹದವರಿತ ನಿನ್ನ ರಾಗ ಲಯದ ಕವಿತೆ
ಮೀಟಿತು ಹೃದಯ ವೀಣೆಯ.॥೧॥
.
ಎಷ್ಟೊಂದು ನೆನಪುಗಳ ಹೆಕ್ಕಿದೆ
ಎಷ್ಟೊಂದು ನೆನಪುಗಳ ಹೆಕ್ಕಿದೆ
ನೀನ್ನೀ ಹೃದಯದ ಗೂಡು
ಅದರೊಳಡಗಿದ ಕವಿತೆಯ ಮಾಡು
ನನ್ನೆದೆಯ ಗೂಡು ತುಂಬಿ ತುಳುಕುತಿದೆ ನೋಡು ॥೨॥
.
ಮನ ಬನದ ತುಂಬಾ ಶಬ್ದದ ಗೂಡು
ಮನ ಬನದ ತುಂಬಾ ಶಬ್ದದ ಗೂಡು
ಮಾಮರದಿ ಉಳಿವ ಕೋಗಿಲೆಯ ಕಲರವ
ನಿನ್ನ ನನ್ನ ಹೃದಯ ವೀಣೆಯ. ಹಾಡು
ರಾಗ ತಾಣ ಮೇಳಗಳ ಜಾಡು
ಒಲಿವ ರಾಗಕೆ ಶಬ್ದಗಳ ಹಂಗಿಲ್ಲ ನೋಡು.॥೩॥
.
ನೆನೆವೆ ನಿನ್ನನೇ ಆ ರಾಗ ಆಲಾಪನೆಯಲಿ
ನೆನೆವೆ ನಿನ್ನನೇ ಆ ರಾಗ ಆಲಾಪನೆಯಲಿ
ಗೋಧಿಯ ಬಣ್ಣದ ಚೆಲುವಿನ ಚೆಲುವಿಯ
ಬೀಸಿ ಬರುವ ಗಾಳಿಯಲಿ ನಿನ್ನ
ಮುಂಗುರುಳಿನ ಹಾರಾಟಕೆ
ಮನವೆಲ್ಲಾ ಸೋತು ಸೋನೆಮಳೆ ಹೊಯ್ಯುತಿದೆ॥೪॥
.
ಮೌನದಲಿ ನಾ ಬರೆವೆ ನಿನ್ನ ಮೇಲೊಂದು ಕವಿತೆ
ಮೌನದಲಿ ನಾ ಬರೆವೆ ನಿನ್ನ ಮೇಲೊಂದು ಕವಿತೆ
ನಿನ್ನ ಧ್ಯಾನದಲಿ ಮುಳುಗೇಳುವ
ಹೊಸ ಭಾಷೆ ಬರೆಯುವ ಪ್ರೇಮ ಕವಿತೆ
ನೀನೊಲಿದರೆ ಸಾಕೆನಗೆ ಅದುವೇ ನನ್ನ
ಕವಿತೆಗೆ ಒಲಿದ ರಾಗವೆನ್ನುವೆ.॥೫॥.
.
-ಮರುಳಸಿದ್ದಪ್ಪ ದೊಡ್ಡಮನಿ ,ಹುಲಕೋಟಿ
ಸೊಗಸಾಗಿದೆ
ಹೃದಯ ಸೇರಿತು ಹಾಡಾಗಿ
ಸೊಗಸಾಗಿದೆ ಕವಿತೆ.
ಸುಂದರವಾದ ಕವಿತೆ .