ನಿನ್ನೊಲುಮೆ

Share Button

ದೂರವಿದ್ದೂ ಜೊತೆಯಾಗಿ ಬಂದು ,
ಹೋಗದಿರು ಜೀವವೇ ಮನಸಾ ಕೊಂದು,
ಇನ್ನಿಲ್ಲದಂತೆ ಪ್ರೀತಿಯಲ್ಲಿ ಮಿಂದು,
ಹೋಗಲರಿಯದು ಹೃದಯ ನೋವಿನ ಬೆಂಕಿಯಲ್ಲಿ ಬೆಂದು.

ನಿಜ ,…..  ಮೊದಲೊಮ್ಮೆ ಸ್ನೇಹವ ಬೆಸೆಯಲು ಹಿಂಜರಿದೆ ,
ಆದರೂ ಬಿಡದಂತೆ ನೀ ನನ್ನ ಆವರಿಸಿದೆ ,
ಇಂದೋ ಈ ಒಲವಾಗಿದೆ ,
ಜೊತೆಗೀ ಸ್ನೇಹದ ಪಯಣ ಸಾಗಿದೆ .

ಮನದ ತುಂಬಾ ಬರೀ ತುಂಟಾಟ,
ಇಷ್ಟವಾಯಿತು ನೀ ಕಲಿಸಿದ ಬದುಕಿನ ಪಾಠ,
ಮೂಡಿಹುದಿಂದು ನಿನ್ನಂತೆ ಎಲ್ಲವ ಬಂದಂತೆ ಎದುರಿಸೋ ಹಠ ,
ಜೊತೆಗೆ ಆಡಿ ಗೆಲ್ಲುವಾಸೆ ಈ ಬಾಳೆಂಬ ಚದುರಂಗದಾಟ.

ಯಾವುದಕ್ಕೂ ಜಗ್ಗದೆ ಸಾಗೋ ನಿನ್ನ ಛಾತಿ,
ಸೆರೆ ಹಿಡಿಯಿತಲ್ಲೇ ಮನವ ಗೆಳತೀ,
ನಿಷ್ಟೂರವಾಗಿದ್ದರೂ ನಿನ್ನ ಮಾತುಗಳೆನಗೆ ಸಮ್ಮತಿ ,
ಸುಂದರ, ಹೂವಂತೆ
ಮನಗಳಲ್ಲಿ ಅರಳೋ ಈ ಪ್ರೀತಿ.

ದೂರವಿದ್ದರೂ ಬೆಸೆಯತೊಡಗಿವೆ ಮನಸುಗಳು,
ಬದುಕೋ ಈಗಂತೂ ಸದಾ ಇರುಳಲ್ಲೂ ಬೆಳದಿಂಗಳಿನಿಂದಾವೃತ ಮುಗಿಲು ,
ಪ್ರತಿ ಮಾತಲ್ಲೂ ನೀ ಹರಿಸೋ ಒಲವ ಧಾರೆ, ಜೀವನ ಪ್ರೀತಿಯ ಹೊನಲು,
ಸಾಕು ಎಲ್ಲಿದ್ದರೂ ಈ ಸ್ನೇಹ ಬಂಧವ ಬೆಸೆಯುತ್ತಾ ಸಾಗಲು .

 –  ನಯನ ಬಜಕೂಡ್ಲು

2 Responses

  1. Hema says:

    ‘ದೂರವಿದ್ದರೂ ಬೆಸೆಯತೊಡಗಿವೆ ಮನಸುಗಳು,
    ಬದುಕೋ ಈಗಂತೂ ಸದಾ ಇರುಳಲ್ಲೂ ಬೆಳದಿಂಗಳಿನಿಂದಾವೃತ ಮುಗಿಲು ..’ ನಿಷ್ಕಪಟ ಮನಸ್ಸಿನ ಭಾವ ಇಷ್ಟವಾಯಿತು

Leave a Reply to Hema Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: