ಅಭಿನಂದನೆ ..

ತಾಯ್ನಾಡಿಗಾಗಿ ನೀನಿಡುವ ದಿಟ್ಟ ಹೆಜ್ಜೆಗಳ ಹಿಂಬಾಲಿಸಲು
ನನಗೆ ಕಾಲ್ಗಳೇ ಇರದಿರೇನು …
ದೇಶಕಾಗಿ ದುಡಿವ ನಿನ್ನ ಕೈಗಳ ಕುಲುಕಿ ಅಭಿನಂದಿಸಲು
ನನಗೆ ಕೈಗಳೇ ಇರದಿರೇನು ..
ರಾಷ್ಟ್ರಪ್ರೇಮ ತುಳುಕಾಡುವ ನಿನ್ನ ಕಣ್ಗಳ ನೋಡಲು 
ನನಗೆ ಕಣ್ಗಳೆ ಇರದಿರೇನು …
ಜನ್ಮಭೂಮಿಗೆ ಮಿಡಿವ ನಿನ್ನ ಗುಂಡಿಗೆಯ ದನಿ ಕೇಳಲು
ನನಗೆ ಕಿವಿಗಳೇ ಇರದಿರೇನು ..
ಹಿಂದುಸ್ತಾನವು ಮರೆಯದ ನಿನ್ನ ಶೌರ್ಯನರಿಯುವ
ಸೂಕ್ಷ್ಮ ಸಂವೇದನೆ ನನಗಿಲ್ಲವೇನು …
ಹುಟ್ಟಿದ ಮಣ್ಣಿಗಾಗಿ ಪ್ರಾಣ ಪಣವಿಡುವ ಪರಮ ವೀರ ನೀನು
ಭಾರತ ಮಾತೆಯ ಯೋಧರ ವಿಜಯ ಮಾಲೆಯ ಹೆಮ್ಮೆಯ ಹೂ ನಾನು …