ಕಿತ್ತಳೆ ಹಣ್ಣಿನ ಸೇವನೆಯಿಂದ ನಮಗೆ ದೊರೆಯುವ ಪ್ರಯೋಜನ ಕುರಿತು ತಿಳಿದಿರುತ್ತೇವೆ. ಕೆಲವರು ಇದರ ಸಿಪ್ಪೆಯನ್ನು ವಿವಿಧ ಉದ್ದೇಶಗಳಿಗಾಗಿ ಬಳಸುತ್ತಾರೆ. ಆದರೆ ಸಾಮಾನ್ಯವಾಗಿ ಸಿಪ್ಪೆ ತ್ಯಾಜ್ಯವಾಗುತ್ತದೆ.
ವಿಜ್ಞಾನಿಗಳು ಈ ಹಣ್ಣಿನ ಸಿಪ್ಪೆ ಕುರಿತು ಹೊಸ ಮಾಹಿತಿಯನ್ನು ನೀಡಿದ್ದಾರೆ.
- ಹಣ್ಣಿನ ಸಿಪ್ಪೆಯನ್ನು ಒತ್ತಿದಾಗ, ರಸ ಚಿಮ್ಮುವುದನ್ನು ನಾವು ನೋಡಿರುತ್ತೇವೆ. ಇಷ್ಟು ಸೂಕ್ಷ್ಮಹನಿಗಳಾಗಿ ರಸ ಚಿಮ್ಮುವುದು ಹೇಗೆ ಎಂದು ತಿಳಿಯಲು ವಿಜ್ಞಾನಿಗಳು ಕಿತ್ತಳೆ ಹಣ್ಣಿನ ಸಿಪ್ಪೆಯ ಅಧ್ಯಯನ ನೆಡೆಸಿದರು.
- ಕಿತ್ತಳೆ ಹಣ್ಣಿನ ಸಿಪ್ಪೆಯಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಮೈಕ್ರೋ ಜೆಟ್‍ಗಳಿರುವಂತೆ, ಸಿಪ್ಪೆಯನ್ನು ನಿಸರ್ಗ ಸೃಷ್ಟಿಸಿದೆ. ನಾವು ಸಿಪ್ಪೆ ಒತ್ತಿದಾಗ, ಈ ಮೈಕ್ರೋ ಜೆಟ್‍ಗಳಿಂದ ರಸವು, ಗಂಟೆಗೆ 40 ಕಿಲೋ ಮೀಟರ್‍ ವೇಗದಲ್ಲಿ ಚಿಮ್ಮುತ್ತದೆ.
- ಸೆಕೆಂಡ್‍ಗೆ 4000 ಜಿ ಒತ್ತಡದಲ್ಲಿ, ಇಷ್ಟು ವೇಗವಾಗಿ ಚಿಮ್ಮುವ ರಸ, ಅತ್ಯಂತ ಸೂಕ್ಷ್ಮ ಕಣಗಳಾಗುತ್ತದೆ.
ಆಸ್ತಮಾ ಮೊದಲಾದ ಆರೋಗ್ಯ ಸಮಸ್ಯೆಗಳನ್ನು ಎದುರಿಸುತ್ತಿರುವವರು, ಈಗ ಬಳಸುವ aerosol ಸ್ಪ್ರೇ ಆಧಾರಿತ ಚೌಷಧಗಳ ಬದಲಾಗಿ ಈ ಪರಿಸರಸ್ನೇಹಿ ಮತ್ತು ಹೆಚ್ಚು ಪರಿಣಾಮಕಾರಿಯಾದ ವಿಧಾನವನ್ನು ಬಳಸಬಹುದು ಎಂದು ವಿಜ್ಞಾನಿಗಳು ಅಭಿಪ್ರಾಯ ಪಡುತ್ತಾರೆ.
ಮುಂಬರುವ ದಿನಗಳಲ್ಲಿ ಇಂತಹ ಔಷಧಗಳು, ಕಿತ್ತಲೆ ಹಣ್ಣಿನ ಸಿಪ್ಪೆಯ ವಿನ್ಯಾಸವನ್ನು ಬಳಸಿದರೆ ಆಶ್ಚರ್ಯವಿಲ್ಲ.
– ಉದಯ ಶಂಕರ ಪುರಾಣಿಕ
.
.
ಗಂಟೆಗೆ ೪೦ ಕಿ ಮೀ ವೇಗದಲ್ಲಿ ಕಿತ್ತಳೆ ಸಿಪ್ಪೆಯಲ್ಲಿನ ರಸ ಚಿಮ್ಮುತ್ತದೆ ಎನ್ನುವುದೇ ಒಂದು ಸೂಜಿಗ. ತುಂಬಾ ಉಪಯುಕ್ತ ಮಾಹಿತಿ ಪುರಾಣಿಕ ಸರ್. ಪರಿಸರ ಸ್ನೇಹಿ ಔಷಧಿಗಳು ರೋಗಿಗೆ ಹೊಸ ಜೀವನ ನೀಡಲಿ ಎಂದು ಆಶಿಸುತ್ತೇನೆ.