ಬೆಳಕು-ಬಳ್ಳಿ

ನಮ್ಮ ಕಡಲೂರಿನವಳು

Share Button

ಬೆಂದಕಾಳೂರಿನಲಿ
ಬೆಚ್ಚಗಿರಲಿಲ್ಲವಳು
ಬೇನೆಯ ಬದುಕಿನವಳು
ನಮ್ಮ ಕಡಲೂರಿನವಳು

ಬಿಸಿಲು ಎಂದೇನಲ್ಲ
ಬಿರುಮಾತಿನಲ್ಲವಳು
ಬಾಯಾರಿದ ಬೆಡಗಿ
ನಮ್ಮ ಕಡಲೂರಿನವಳು

ಬದುಕು ಕಟ್ಟಲೆಂದು
ಬಂದಿದ್ದಳಿಲ್ಲಿಗವಳು
ಬಾಣಲೆಬಿಸಿಗೆ ಬೆದರಿದಳು
ನಮ್ಮ ಕಡಲೂರಿನವಳು

ಬಾಗಿಲನು ತೆರೆಯುತ
ಬಾಗುತ ಮುಗಿವವಳು
ಭಾಗ್ಯವನರಸುವ ಹೆಣ್ಣು
ನಮ್ಮ ಕಡಲೂರಿನವಳು

ಬೇಗೆಗೆ ಬೆಚ್ಚೇಳುತ
ಬಸವಳಿದಳವಳು
ಭರವಸೆಗೆ ಸಾಕ್ಷಿ ಕಂಗಳು
ನಮ್ಮ ಕಡಲೂರಿನವಳು

ಬಯಕೆಗಳ ಬಸಿರಿನ
ಭಾರವನು ಹೊತ್ತವಳು
ಬೊಗಸೆಯೊಡ್ಡಿಹಳು
ನಮ್ಮ ಕಡಲೂರಿನವಳು

ಬಡತನಕ್ಕಂಜುತಲೇ
ಬಸ್ ಏರಿ ಬಿಟ್ಟವಳು
ಬೆನ್ನು ಹಾಕಲಾರಲವಳು
ನಮ್ಮ ಕಡಲೂರಿನವಳು

ಬಯಸುತ ಬಂದವಳು
ಬೇರನ್ನಿಲ್ಲೂರಿದವಳು
ಬಾಗದವಳು ಬೀಗದವಳು
ನಮ್ಮ ಕಡಲೂರಿನವಳು

.

 – ಗಣೇಶಪ್ರಸಾದ ಪಾಂಡೇಲು

 

One comment on “ನಮ್ಮ ಕಡಲೂರಿನವಳು

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *