ದೇಹದಾನಕೆ ಮೂರು ಕಾರಣಗಳು..!
ಕೆ.ಬಿ. ವೀರಲಿಂಗನಗೌಡ್ರ
1
ಸಾವಿರಾರು ಚಿಂತೆಗಳು
ಚಿತೆಯ ರೂಪತಾಳಿ
ಸುಟ್ಟಿವೆ ಎನ್ನ ಜೀವವ..!!
ಸತ್ತಮೇಲೂ ಮತ್ತೆ ಸುಡುವ
ಆ ಹಾಳು ಸುಡುಗಾಡಿನ
ಸಮೀಪ ಸುಳಿಯದಿರಲೆಂದು..!
2
ಕಣ್ಣಿಗೆ ಮಣ್ಣೆರಚಿ
ಮೋಸ ಮಾಡುವವರು
ಕಣ್ಣ್ತಪ್ಪಿಸಿ ಉಣ್ಣುವ
ಅನ್ನದಲ್ಲಿ ಮಣ್ಣು ಬೆರೆಸುವವರು
ನನ್ಮೇಲೆ ಮೂರುಹಿಡಿ ಮಣ್ಣಹಾಕಿ
ಕೈ ತೊಳೆಯದಿರಲೆಂದು..!
3
ವೈದ್ಯರು ಶರೀರ ಛೇದನ
ಮಾಡಿ ವಿದ್ಯಾರ್ಥಿಗಳಿಗೆ
ವಿವರಿಸುವಾಗ ವ್ಯರ್ಥವಾಗುತಿದ್ದ
ಈ ದೇಹ ಭಾವಿ ವೈದ್ಯರಿಗೊಂದು
ಪಾಠವಾಗಿ ಅರ್ಥವಾದಾಗಲೇ
ನನಗೊಂದು ಮುಕ್ತಿ ಸಿಗಬಹುದೆಂದು.
(ದೇಹದಾನ ಮಾಡಲು ಮೃತ್ಯುಪತ್ರ ಬರೆದಿಟ್ಟ ನಿಮಿತ್ಯ ಈ ಕವಿತೆ)
– ಕೆ.ಬಿ. ವೀರಲಿಂಗನಗೌಡ್ರ , ಬಾಗಲಕೋಟ ಜಿಲ್ಲೆ.
ಎಂಥಹಾ ಉನ್ನತ ಉದ್ದೇಶ ನಿಮ್ಮದು! ಈ ಕವನ ದೇಹದಾನಕ್ಕೆ ನನ್ನನ್ನೂ ಚಿಂತನೆಗೆ ಹಚ್ಛಿತು.