ಕನ್ನಡ ಅಕ್ಷರ
ಕಣ್ಣಿಗೆ ಸುಂದರ
ಕಲಿಯಲು ಬಲು ಸರಳ
ಕನ್ನಡ ನುಡಿಯಲು
ಕರ್ಣಕೆ ಮಧುರ
ಅರಿಯಬೇಕು ತಿರುಳ
ಕನ್ನಡ ನಾಡಲಿ
ಕಾನನ ಗಿರಿಗಳು
ಕಣ್ಸೆಳೆಯುವ ಕಡಲು
ಕನ್ನಡ ನೀರಲಿ
ಕಬ್ಬಿನ ಸಿಹಿ ಸವಿ
ಜೀವ ಪೊರೆವ ತಾಯಿ
ಕನ್ನಡ ಮಣ್ಣಿನ
ಕಣಕಣ ಚಿನ್ನವು
ನಾಡಿನಾಭರಣ
ಕನ್ನಡ ಚರಿತೆಯು
ಕೇಳಲು ರೋಚಕ
ಕಲಿಗಳಿರುವ ತವರು
ಕನ್ನಡ ಕಾವ್ಯ
ಕೋವಿದರಾ ನುಡಿ
ಜನಮಾನಸದುಸಿರು
ಕನ್ನಡ ಜನಮನ
ಕಲೆಗಳ ಸಂಗಮ
ಭಾವದ ರಸಧಾರೆ
ಕನ್ನಡ ಮೊಳಗಲಿ
ಕೀರ್ತಿ ಮೆರೆಯಲಿ
ಮಿಗಿಲೆನಿಸಲಿ ದಿವಕು
-ಅನಂತ ರಮೇಶ್


ರಾಜ್ಯೋತ್ಸವದ ಸಂದರ್ಭಕ್ಕೆ ಶುಭಾಶಯದಂತಿರುವ ಕವಿತೆ ಸೊಗಸಾಗಿದೆ.
ಧನ್ಯವಾದಗಳು
ಸರಳ ಸುಂದರ ಕವನ..
ಧನ್ಯವಾದಗಳು.
ಸುಂದರ ಕವನ
ಧನ್ಯವಾದಗಳು.
ಅಕ್ಷರಗಳ ರಾಣಿ ಮುತ್ತಿನಂತಹ ನಮ್ಮ ಕನ್ನಡ ಅಕ್ಷರ!! ಸಂದರ್ಭೋಚಿತ ಕವನ ಸೊಗಸಾಗಿದೆ.
ಧನ್ಯವಾದಗಳು