ಬೆಳಕು-ಬಳ್ಳಿ

ಹೂಗವಿತೆಗಳು-ಗುಚ್ಛ 6

Share Button

1
ನೀನು ಹೋದ ಮೇಲೆ
ಈ ಗಿಡದ ಹೂವುಗಳು
ಸುಮ್ಮನೆ ಅರಳಿ ಉದುರುತ್ತಿವೆ

2
ಎಷ್ಟೊಂದು ಹೂವುಗಳ
ಬಣ್ಣ ಮೆತ್ತಿಕೊಂಡಿದೆ
ಈ ಚಿಟ್ಟೆಯ ರೆಕ್ಕೆಗಳಿಗೆ

3

ಹೂವುಗಳಿಗೆ ಬಣ್ಣಗಳ
ಬಳಿದವರು ಯಾರಿರಬಹುದು?
ಇದು ನನ್ನ ಪ್ರಶ್ನೆ
ಉತ್ತರದೊಂದಿಗೆ
ದೇವರು ಮಾಯವಾಗಿದ್ದಾನೆ!

4
ಗಾಳಿಯೊಂದಿಗೆ ಹೊರಟಿದ್ದ
ಹೂವಿನ ಘಮವನ್ನು
ಮನಸಿಗೆ ತುಂಬಿಕೊಂಡಿದ್ದೇನೆ
ನಿನ್ನ ನೆನಪಿನ ಜೊತೆ
ಅದೂ ಇರಲಿ

5
ಹೂಮಾಲೆ ಕಟ್ಟುವ
ಕೈಗಳಿಗೆ
ಸಾವಿರ ಹೂಗಳ
ಸಾವಿರ ಸೂತಕ

ನವೀನ್ ಮಧುಗಿರಿ

4 Comments on “ಹೂಗವಿತೆಗಳು-ಗುಚ್ಛ 6

Leave a Reply to ನಾಗರತ್ನ ಬಿ. ಆರ್ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *