ಹೂಗವಿತೆಗಳು-ಗುಚ್ಛ 6
1
ನೀನು ಹೋದ ಮೇಲೆ
ಈ ಗಿಡದ ಹೂವುಗಳು
ಸುಮ್ಮನೆ ಅರಳಿ ಉದುರುತ್ತಿವೆ
2
ಎಷ್ಟೊಂದು ಹೂವುಗಳ
ಬಣ್ಣ ಮೆತ್ತಿಕೊಂಡಿದೆ
ಈ ಚಿಟ್ಟೆಯ ರೆಕ್ಕೆಗಳಿಗೆ
3
ಹೂವುಗಳಿಗೆ ಬಣ್ಣಗಳ
ಬಳಿದವರು ಯಾರಿರಬಹುದು?
ಇದು ನನ್ನ ಪ್ರಶ್ನೆ
ಉತ್ತರದೊಂದಿಗೆ
ದೇವರು ಮಾಯವಾಗಿದ್ದಾನೆ!
4
ಗಾಳಿಯೊಂದಿಗೆ ಹೊರಟಿದ್ದ
ಹೂವಿನ ಘಮವನ್ನು
ಮನಸಿಗೆ ತುಂಬಿಕೊಂಡಿದ್ದೇನೆ
ನಿನ್ನ ನೆನಪಿನ ಜೊತೆ
ಅದೂ ಇರಲಿ
5
ಹೂಮಾಲೆ ಕಟ್ಟುವ
ಕೈಗಳಿಗೆ
ಸಾವಿರ ಹೂಗಳ
ಸಾವಿರ ಸೂತಕ
–ನವೀನ್ ಮಧುಗಿರಿ
ಚಂದದ ಹನಿಗಳು
ಮುದಕೊಡುವ ..ಹೂವಿನ.. ಹನಿಗವನಗಳು… ಧನ್ಯವಾದಗಳು ಸಾರ್
ಚಂದದ ಹೂಗಳಿಗಾಗಿ ಸುಂದರ ಕಿರುಕವನಗಳು
ಹೊಸ ಗ್ರಹಿಕೆಯ ಚುಟುಕುಗಳು!